Lucas 1:6 - Ing Mayap a Balita Biblia

⁶ Mibiebie la deting miyasawa king mitmung kayapan king arapan na ning Dios. Mapamintu lang lubus karing kautusan at tuntunan a ibat king Ginu.

Lucas 1:6 Iomraidhean Croise

Genesis 17:1

Siam yang pulu't siam a banua i Abram inyang akatagpu ne ing Ginu. Ngana, Abram, aku ing Dios a Mayupaya. Mamintu ka kanaku at mibiebie kang alang dungis.

Genesis 6:9

Oyni ing istoria na ning pamilya nang Noe. Tau yang makatuliran i Noe, at ala yang kapintasan ketang panaun na. Mapamintu ya king Dios.

Genesis 7:1

Kanita ngana ning Ginu kang Noe, Lungub na ka king barku at ituki me ing mabilug mung pamilya, uling ika mu ing ikit kung tune darapat matulid king panaun a iti.

1 Ari 15:5

Binie na iti ning Dios uling depatan nang David itang katanggap-tanggap king Dios; e ya linabag karing utus na ning Ginu king kekaban ning bie na, subali mu ketang pisasabian tungkul kang Uria a Hiteo.

1 Ari 9:4

Nung manatili kang tapat at matulid king akakit ku, antimo i David a tata mu, at daptan ampon pamintuan ing sablang kautusan ku,

2 Ari 20:3

Ngana, O Ginu, e mu sana kakalinguan king siyuan da kang mitmung katapatan at kalausan a lub, king parati kung magkapilit gawan itang buri mung pagawa kanaku. At menangis yang kapait-paitan.

2 Cronica 17:4

Simban ne ing Dios nang tata na, pemintuan na la ding utus ning Dios, at e ya menugaling anti ding ari ning Israel.

Job 1:1

Ating metung a lalaki king sakup ning Uz a milagyuan Job; ala yang kapintasan at makatuliran ya. Metung yang taung ating takut king Dios at mangilag king e ustu.

Job 1:8

Ngana ning Ginu kang Satanas, Apansingan mu ne ing talasuyu kung i Job? Ala kang akit kalupa na king yatu. Tau yang alang kapintasan at makatuliran; atin yang takut king Dios at mangilag ya king nanumang e ustu.

Job 9:2

Wa, balu ku king makanyan pin. Makananu yang sumambut ing tau king kasu na laban king Ginu?

Ding Dalit 119:6

E ku mipakarine nung ding kekang kautusan pagsikapan ku la ngan tutuparan.

Lucas 1:7

Oneng e la mikayanak uling baug ya i Elizabeth at matua na lang parehu.

Lucas 16:15

Inya sinabi na karela, Ikayu ding magpanggap banal king arapan da ring tau, oneng akikilala na ning Dios ing atyu karing pusu yu. Uling ing isipan dang maulaga ding tau, ya naman ing alang ulaga king panimanman na ning Dios.

Lucas 2:25

Ating metung a lalaking manuknangan karin Jerusalem, ing lagyu na Simeon. Metung yang taung mayap at ating takut king Dios. Panayan na ing pangaligtas na ning Israel. Ing Banal a Espiritu atyu kang Simeon.

Ding Dapat 2:25

Uling sasabian nang David ing tungkul keya. Ngana, Ikit ke ing Ginu, atyu king arap ku king sablang panaun; atyu king banda kung wanan ban e ku maligalig.

Ding Dapat 23:1

Maratna na lang linawe Pablo ding miembru na ning Konsehu at ngana, Kabalen at kapatad, malinis ya ing konsiensia ku tungkul king mabilug kung pamibiebie arap ning Dios angga king mismung aldong iti.

Ding Dapat 24:16

Inya daraptan ku ing sablang agyu ku ban manatili kung maki malinis a konsiensia arap ning Dios at ding tau.

Ding Dapat 8:21

E ka kayabe o karake king obra mi uling ing pusu mu marayu ya king Dios.

Roma 8:4

ban ing katuliran a aduan na ning Kautusan lubus matupad kekatamung mabibie agpang king Espiritu at e agpang king keinan na ning katutubung pangatau.

1 Corinto 11:2

Tune ra kayung papurian uling parati yu kung agaganaka at uling tutukian yu ing tiru ku kekayu.

2 Corinto 1:12

Iti ya ing pagmaragul mi: patutuan na ning pilubluban mi king ing pamakiabe mi karing sabla, lalung-lalu na kekayu, tapat at alang pamagkunwari. Iti uli na ning saup ning Dios at e uli na ning kabiasnan-tau.

Deuteronomio 5:33

Mibiebie kayu agpang king sablang inutus na ning Ginung kekatamung Dios ban mipakayap kayu at ban kumaba ing bie yu king gabun a kekayung bandian.

Filipos 2:15

ban maging malinis kayu at alang dungis, antimong ganap nang anak ning Dios, mabibie libutad da ring marawak at palpikasalang tau keti king yatu. Kailangan kayung sunlag libutad da antimo ding batuin a babie sala king banua

Colosas 1:22

Oneng ngeni king kapamilatan na ning kamatayan na king krus ning Anak na, tinggap na kayu ning Dios king sarili na ban alapit na kayung banal at malinis, at alang pangapintas king arapan na.

1 Tesalonica 3:13

King anti kaniting paralan, pasiknangan na kayu lub ban manatiling ganap at alang kapintasan king arap ning kekatamung Dios at Ibpa angga king paniatang nang pasibayu ning kekatamung Ginung Jesus at ding sablang pinili na.

2 Pedro 3:14

Inya, pakamalan kung kakaluguran, kabang manenaya kayu king Aldo ita, daptan yu ing sablang agyu yu ba kayung maging payapa pamibiebie, malinis at alang kapintasan arapan na ning Dios.

1 Juan 2:29

Nung balu yu king i Cristo banal ya, sukat yu namang abalu king ing balang darapat kabanalan anak ne ning Dios.

1 Juan 2:3

Balu tamu king akikilala ta ya ing Dios, nung tutuparan ta la ding kautusan na.

1 Juan 3:7

Anak ko, e yu paintulut ing piraitnan na kayu ning ninuman! Ing ninumang darapat matulid, makatuliran ya, kalupa neng Cristo.