Lucas 1:51 - Ing Mayap a Balita Biblia

⁵¹ Inatiat ne ing mayupaya nang takde, at simbulat na la ding mangatas a lub ketang kapalaluan ning karelang nasa.

Lucas 1:51 Iomraidhean Croise

Genesis 11:8

Ibat karin peniambulat na la ning Ginu king mabilug a yatu, at tiknangan deng tatalakad ing siudad.

Genesis 6:5

Ikit na ning Ginu king tutu nang mikalat ing kasalanan ning tau king yatu at parating e mayap ing atyu king isip na.

Genesis 8:21

Ngana ning Ginu king lub na inyang abau na ing mabanglung ain, E ku ne kapilan man isumpa ing yatu uli na ning gagawan ning tau. Tutu pin ing makayungyung ne ing pusu na ning tau king e mayap manibat na king kayanakan na. E ku na la gisanan paten kapilan man ding mabie antimo ing gewa ku.

Ding Dalit 118:15

Kekong pakiramdaman ing masayang kantahan ning tagumpe ding king tolda da ring memalen ning Dios. Ngara, Ing mayupaya nang gamat ning Ginu ya ing makirapat kaniti!

Ding Dalit 33:10

Ing Ginu ya ing sisira king tatangka da ring bansa; bibiguan nang e mayap dang nasa.

Ding Dalit 52:9

Pasalamatan da ka king kapilan pa man, uli ning kekang depatan; lagyu mu kaku yang sabian uling iti mayap, arapan ding kekang memalen sabian ku ing kekang kayapan.

Ding Dalit 63:5

Ing kaladua ku kumabsi ya antimo neng ating piesta, pagkanta da ka karing masayang kanta ning kapurian.

Ding Dalit 89:10

Itang dambualang i Rahab piglati me at pete; king mayupaya mung sikanan simbut mu la ding kekang kalaban.

Ding Dalit 89:13

Tutu kang mayupaya at tutu kang masikan, at ing gamat mung wanan makayatiat ya.

Ding Dalit 98:1

Pagkanta yeng bayung kanta ing Ginu, uli ning makapagmulala nang depatan! King sarili nang kayupayan at banal nang gamat ing tagumpe ikua na.

Exodo 18:11

Ngeni ku akikilala king ing Ginu maula yang maygit karing sablang dios, uling depatan na iti kanitang ding tau Ehipto teratusan da lang mitmung bigsikan ding Israelita.

Isaias 40:10

Ing Ginung Dios daratang ya ban sumakup kapamilatan ning upaya; daralan na la ding taung linigtas na.

Isaias 51:9

Migising ka, Ginu, at saupan mu kami! Gamitan mung kekang upaya at iligtas mu kami; gamitan mu antimo ing king panaun a malambat nang milabas. Ika ing memirasung malati king Rahab, ing dambuala ning dagat.

Isaias 52:10

Gamitan ning Ginu ing banal nang upaya; iligtas na la ding memalen na at mabilug a yatu iti akit na.

Isaias 63:12

Nu ya karin ing Ginung ginamit king upaya na at dinapat makapagmulalang bage king kapamilatan nang Moises; sigsag ne ing danum ning dagat at tinaid na la ding memalen na libutad ning malalam a danuman ban akua na ing alang kapupusan a kabantugan para king sarili na? Alipatan de ing dagat king pamanimuna na ning Ginu karela, anti lang kabayung malyap; e la bitasang misakab.

Jeremias 49:15

Gawan na kang maina ning Ginu at metung man alang gumalang keka.

Daniel 4:37

At ngeni, aku, i Nebucadenesar, pupurian ke, parangalan ke, at paligayan ing Ari ning Banua. Ing heganaganang gagawan na ustu at makatuliran at agyu neng isaldak ing ninumang taung palalu.

Roma 1:21

Balu re ing Dios, oneng e ra babie itang kagalangan a mangaintulid king Dios at e re pasalamatan. Nune meging alang kabaldugan ing karelang pamagmatulid at meralumdum la ding kaisipan dang e makaintindi.

2 Corinto 10:5

at ing sablang pamagmaragul laban king Dios; bibihagan mi ing sablang kaisipan ban mamintu kang Cristo.

Deuteronomio 4:34

Atin na waring metung mu mang dios a migkapilit ilual na la ding memalen nang atyu libutad ning aliwang bansa king kapamilatan na ning pagsubuk, tanda, gera, at bage pagmumulalan a anti ing ikit yung depat ning Ginung kekayung Dios karin king Ehipto?

1 Pedro 5:5

At ikayung kayanakan a lalaki, pailalam kayu upaya karing makatua. Ikayu ngan sabla isulud yu ing kababan lub ba kayung misusuyuanan, uling sasabian na ning Kasulatan, Kasaman na la ning Dios ding palalu, oneng papakit yang ganaka karing mababa lub.

Kapahayagan 18:8

Uli na niti, datang la king Babilonia king misan mung aldo ding salut: sakit, lungkut, at danup. At masilab ya king api, uling mayupaya ya ing Ginung Dios a mamatul king Babilonia.