Lucas 1:49 - Ing Mayap a Balita Biblia

⁴⁹ uli ning mangaragul a bage a depat na kaku ning Mayupayang Dios. Banal ing lagyu na;

Lucas 1:49 Iomraidhean Croise

Genesis 17:1

Siam yang pulu't siam a banua i Abram inyang akatagpu ne ing Ginu. Ngana, Abram, aku ing Dios a Mayupaya. Mamintu ka kanaku at mibiebie kang alang dungis.

Ding Dalit 111:9

Binie na ing kaligtasan, karing memalen na, at karela ginawa yang alang anggang kasunduan. Banal ya at mayupaya ing lagyu na.

Ding Dalit 24:8

Ninu wari iting ari ning ligaya? Alang aliwa nune ing Ginung Mayupaya; tagumpe akakua na king marangle ning gera.

Ding Dalit 99:3

Ing lagyu nang maula at makamal ding sabla karela yang purian. Banal ya!

Ding Dalit 99:9

Ing Ginung kekatamung Dios kailangan yang purian; king banal nang bunduk kekatamu yang samban, uling banal ya ing Ginung kekatamung Dios.

Exodo 15:11

Ginu, ninu karing aliwang dios ing anti ika? Ninung kekang kalupa king kabanalan mung alang kalupa? Ninu ing makarapat karing milagrung kekang daraptan a binang pagmumulalan?

Isaias 1:24

Inya makiramdam ka ngeni king sasabian na ning Ginung Mayupaya, ing Mayupayang Dios ning Israel: Ibugnus ku ing milalablab kung mua karing kalaban ku.

Isaias 57:15

Aku ing matas at banal a Dios a mabie kapilan man. Manuknangan ku king matas at banal a lugal, oneng manuknangan ku munaman libutad da ring taung mapagpakumbaba at sisisi ban abalik ku ing kapanaligan at ing kapanayan da.

Isaias 6:3

Ngara king metung at metung: Banal, banal, banal! Banal ya ing Ginung Mayupaya! Mitmu ya ing yatu king ligaya na!

Isaias 63:1

Ninu iting daratang ibat king siudad ning Bozra ning Edom? Ninu iting makamal a makapiblas malutu, lalakad mitmung kayupayan, at sikanan? Ya ing Ginu, ing mayupayang magligtas; daratang ya ban ihayag na ing tagumpe na.

Jeremias 10:6

Ginu, ala kang kalupa: mayupaya ka, marangal ya at mayupaya ing kekang lagyu.

Jeremias 20:11

Oneng ika, Ginu, atyu ka siping ku, masikan ka ampon mayupaya, at detang kaku maglupig mibual la. Mangapakarine lang alang angga, uling e la malyaring magtagumpe. E na makalinguan kapilan man ing karelang kamarinayan.

Marcos 5:13

At tilutan na lang Jesus. Linual la king tau ding marawak a espiritu at linub la karing babi. Ding babi, atin sigurung aduang libu karakal, linusub lang milayi papunta king bangin; mebaldug la ngan king dagat-dagatan at melumud la.

Lucas 1:48

uling e na ku kelinguan, akung maluka nang talasuyu! Manibat ngeni ausan da kung mapalad ding sablang tau,

Lucas 1:50

lulunusan na la ding ating takut keya, karing sablang mituki-tuking lahi.

Efeso 3:20

King Dios a makarapat maygit king sablang malyaring aduan tamu o isipan, king kapamilatan na ning kayupayan nang magobra kekatamu:

Kapahayagan 15:4

Ninu ing e tumakut keka, O Ginu? Ninu ing e munie kapurian king kekang lagyu? Uling ika mung bukud ing banal! Lumapit la at samba keka ding sablang bansa, uling ikit da la ring matulid mung dapat.

Kapahayagan 4:8

Tianam la pakpak ding apat a mabie lelangan; mitmu yang mata kilub at lual ing balang metung karela. Aldo't bengi ala lang tuknang magkanta. Ngara, Banal, banal, banal ya ing Ginung Dios a Mayupaya king sabla, ing Dios napun, ngeni at king daratang a panaun.

1 Samuel 2:2

Alang aliwang banal nune mu ing Ginu; alang aliwang batung santungan a kalupa na ning kekatamung Dios.