Lucas 1:48 - Ing Mayap a Balita Biblia

⁴⁸ uling e na ku kelinguan, akung maluka nang talasuyu! Manibat ngeni ausan da kung mapalad ding sablang tau,

Lucas 1:48 Iomraidhean Croise

Genesis 30:13

Kasaya ko, nganang Lea. Ngeni ausan da kung masaya ding babai. Inya pemalagyuan neng Aser ing anak.

2 Samuel 7:8

Inya sabian mu king talasuyu kung i David king aku, ing Ginung Mayupaya, pasabi ku ing anti kaniti: Kinua ra ka king marangleng pipagpastulan tupa at gewa ra kang talapamahala ning balen kung Israel.

Ding Dalit 102:17

Saingsing ding misasakitan keyang pakiramdaman, at karelang panalangin keyang pansinan.

Ding Dalit 136:23

E na katamu kelinguan inyang mesambut tamu; uling ing lugud na alang angga.

Ding Dalit 138:6

Atyu ka king Kakataskatasan, ding mababa lub keka no mang ingatan, at keka e la makasalikut ding palalu.

Ding Dalit 72:17

E ya sa makalinguan ing lagyu na kapilan man, at manatili ing kabantugan na kalupa na ning aldo. Mananu na sanang ding bansa aduan da ing bendisyunan na ning Dios anti ing gewa na king ari.

Isaias 66:2

Aku ing linalang king meto sikluban! Aku ing makibandi king sabla-sabla. Liligaya ku karing mapagpakumbaba at sisisi, karetang ating takut at mamintu kanaku.

Malakias 3:12

At ausan da kayung mapalad ding tau da ring sablang bansa, uling maging masanting yang lugal a pituknangan ing bansa yu.

Lucas 1:28

Dinatang ya kang Maria ing anghel at ngana, Ing kapayapan manatili keka! Ing Ginu atyu keka at binendisyunan na kang e mu nanu!

Lucas 1:42

migsalita yang masikan. Ngana, Mapalad ka karing sablang babai! At mapalad ya ing anak a mibait keka!

Lucas 1:45

Mapalad ka uling paniwalan mu king ing balita na keka ning Ginu mipaltutu!

Lucas 1:49

uli ning mangaragul a bage a depat na kaku ning Mayupayang Dios. Banal ing lagyu na;

Lucas 11:27

Kabang magsalita ya pa i Jesus, kinulisak ya ing metung a babai libutad da ring dakal a tau. Ngana kang Jesus, Mapalad ya ing babaing migdala keka king sepupunan na at pepasusu keka!

1 Samuel 1:11

Nganang ginawang panata, O Ginung Mayupaya, nung pakiramdaman yu ku, nung saupan yu ku at dinan metung a anak a lalaki, italaga ke kekayu kabang bie na at e ke paputut a buak.

1 Samuel 2:8

Itatas na la kabilian ding kalulu, at liligtas na la ding atyu king pamangailangan; pakiluklukan na la karing marangal a tau, at babie ne karela ing marangal a tronu bilang karelang mana. Ding pundasyun ning yatu king Ginu la, at babo ra telakad ne ing yatu.