Lucas 1:46 - Ing Mayap a Balita Biblia

⁴⁶ Nganang Maria, Ing pusu ku pupurian ne ing Ginu;

Lucas 1:46 Iomraidhean Croise

Ding Dalit 35:9

Oneng aku tumula ku king Ginu, tumula ku uling linigtas na ku.

Isaias 45:25

Aku, ing Ginu, kaku lang iligtas ding sablang lahi nang Israel, at kaybat aku ing purian da.

Isaias 61:10

Magsaya ya ing Jerusalem uli ning depat ning Ginu. Mengari ya king dalagang makaimalan pangkasal. Pibablas ne ning Ginu king tagumpe at kaligtasan!

Roma 5:11

Aliwa mu yan; magsaya tamu king Dios king kapamilatan na ning Ginu tamung Jesu-Cristo uling king kapamilatan na meging kakaluguran na katamu ning Dios.

1 Corinto 1:31

Inya, antimo ing sasabian na ning kasulatan, Ing ninumang bisang magmaragul, sukat nang ipagmaragul ing depat na ning Ginu.

2 Corinto 2:14

Salamat king Dios uling parati na katamung yayabe king tagumpe nang Cristo uli na ning pangayabe tamu keya. At king kapamilatan tamu pepalaganap na ning Dios ing mabanglung bau, ing pangapakilala nang Cristo.

Filipos 3:3

Ganakan yu king aliwa ila, nune itamu ding tune mesirkunsisyun uling sasamban ta ya ing Dios agpang king Espiritu na, at miyayatdanan tamung tula king bie tamung makayabe kang Cristo Jesus. E tamu kailangan ing magtiwala king seremonia na ning pamaniugat king katawan.

Filipos 4:4

Tumula kayu sanang parati king pamibiebie yung makayabe king Ginu. At iyulit kung sabian, tumula kayu!

1 Tesalonica 5:23

Pabanalan na kayu sanang lubus ning Dios a babie kapayapan kekayu. At papanatilian na sanang alang kapintasan ing mabilug yung pangatau, espiritu, kaladua, at katawan angga king paniatang ning kekatamung Ginung Jesu-Cristo.

1 Pedro 1:8

Kaluguran ye agyamang e ye pa ikit. Paniwalan ye agyamang king kasalukuyan e ye akakit. Inya mipaligayan kayu king maragul a tula a e na alarawan ning amanu na ning tau.