Lucas 1:32 - Ing Mayap a Balita Biblia

³² Maging marangal ya at mayaus yang Anak ning Kakataskatasan a Dios. Gawan neng ari ning Ginung Dios, antimo i David a makatua na.

Lucas 1:32 Iomraidhean Croise

2 Samuel 7:16

Manatili ya ing kekang pamilya at ing kekang kayarian. Manatili ya ing kekang tronu king kapilan pa man.

Ding Dalit 132:11

Kang David tapat mung pengaku, at e mu painggulutan ing binie mung amanu. Ngamu, Ing metung karing anak mu maging ari ya, at ya ing manalili keka.

Ding Dalit 132:12

Nung ding anak mu king kasunduan tupad la, at karing kautusan a babie ku karela, kanita ding anak da naman maging ari lang kekang kasalisi angga king kapilan man.

Isaias 16:5

Kanita maging ari ya ing metung karing lahi nang David, at panimunan na la ding tau king mitmung katapatan at lugud. Agad nang daptan itang matulid at lingunan na ing pamag-ari na ning hustisia.)

Jeremias 17:25

Kanita ding karelang ari at prinsipi lungub la karing pasbul dalan ning Jerusalem at kamtan da ing kayupayan antimo itang kang David. Kayabe da ring memalen na ning Juda at Jerusalem, sake la karing karwahe at kabayu at parati yang mitmung tau ing siudad na ning Jerusalem.

Jeremias 22:2

Karin sabian ku king ari at karing pamuntuk na ampon karing memalen na ning Jerusalem king makiramdam la king pasabi na ning Ginu.

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Mateo 1:1

Iti ya ing listahan a piakitan karing makatua nang Jesu-Cristo a menibat king lahi nang David a lahi nang Abraham.

Mateo 12:42

King Aldo ning Pamanukum, talakad ya ing Reyna na ning Mauli at pamarsalanan na kayu, uling miglakbe ya halus ibat king kasumangid na ning yatu ba yang makiramdam king kabiasnan nang Solomon. Sasabian ku kekayu, keti ating metung a maygit kesa kang Solomon!

Mateo 28:18

Lepitan na lang Jesus at ngana karela, Miyabie kanaku ing sablang kayupayan karin banua at keti king yatu.

Mateo 3:11

Bibinyagan da kayu king danum ban mipakilala king sisisian yu la at painggulutan ding kasalanan yu; oneng ing daratang katuki ku lalu yang mayupaya kesa kanaku. E ku man karapatdapat mamitbit karing sandalyas na. Binyagan na kayu king Banal a Espiritu at king api.

Marcos 14:61

E bitasang mekibat i Jesus; menatili yang alang bulad. Nganang kinutang pasibayu ning Pekapun ding Pari, Ika ing Cristo, ing Anak ning Dios?

Marcos 5:7

Kukulisak yang masikan. Ngana, Jesus, Anak ning Dios a Kakataskatasan, obat pakialaman mu ku? Ipakisabi ku keka, e mu ku pasakitan alang-alang king Dios! (

Lucas 1:15

uling maging marangal ya king panimanman na ning Ginu! E ya minum alak o nanumang inuman a makalasing. At mikatmuan ya king Banal a Espiritu manibat king pangabait na.

Lucas 1:35

Pekibat na ning anghel, Datang ya keka ing Banal a Espiritu at lilungan na ka ning upaya na ning Dios. Uli na niti, mayaus yang Anak ning Dios ing banal a anak a mibait keka.

Lucas 1:76

Ika, anak ku, mayaus kang propeta na ning Kakataskatasan a Dios. Datang kang makauna king Ginu ban isadia mu ing dalanan na,

Lucas 3:16

Inya nganang Juan karela ngan, Bibinyagan da kayu king danum, oneng ing metung a maygit kesa kanaku datang ya. E ku man karapatdapat agyang kalag mu karing tali nang sandalyas. Binyagan na kayu king Banal a Espiritu ampon king api.

Lucas 6:35

E makanyan! Sukat yu lang luguran ding kekayung kalaban, at daptananan yu lang mayap. Mamaram kayu, at e na kayu manenayang mibayaranan pa. King anti kaniting paralan tanggap kayung maragul a ablas at maging anak na kayu ning Kakataskatasan a Dios, uling maganaka ya agyang karing alang pasalamat at marawak.

Juan 12:34

Ngarang mekibat ding tau, Agpang king sasabian na ning Kautusan, ing Cristo manatili ya kapilan man. Inya makananu mung asabi king sukat yang itas ing Anak ning Tau? Ninu wari iting Anak ning Tau?

Juan 6:69

Maniwala kami at balu mi na ngeni king ika ing Banal ning Dios.

Ding Dapat 16:17

Tinuki ya kang Pablo ampon kekami at nganang kukulisak, Talasuyu na la ning Dios a Kakataskatasan ding taung deni! Papasiag da kekayu nung makananu kayung malyaring miligtas!

Ding Dapat 2:30

Anti na ning metung yang propeta balu na king ing Dios pengaku na at simpa keya ing gawan neng kayalili na bilang ari ing metung karing lahi na;

Ding Dapat 2:36

Uli na niti, kailangan dang abalu ding sablang memalen ning Israel king masalang tutu king iting Jesus, ing pinaku yu king krus, ya ing gewa nang Ginu at Cristo ning Dios!

Ding Dapat 7:48

Makanyan man, e ya manuknangan ing Kakataskatasan a Dios karing bale a gewa da ring tau; antimo ing sasabian na ning propeta,

Roma 1:4

agpang king Espiritu na ning katutubu nang kabanalan, mekilala yang mitmung kayupayan bilang Anak ning Dios inyang sinubli yang mie ibat karing mete.

Kapahayagan 3:7

Isulat mu iti king anghel na ning iglesia karin Filadelfia: Iti ya ing sasabian na nitang banal at apagkatiwalan, ing tatalan king susi nang David; alang makasara king nanumang ibuklat na at alang makabuklat king nanumang isara na.