Lucas 1:28 - Ing Mayap a Balita Biblia

²⁸ Dinatang ya kang Maria ing anghel at ngana, Ing kapayapan manatili keka! Ing Ginu atyu keka at binendisyunan na kang e mu nanu!

Lucas 1:28 Iomraidhean Croise

Daniel 10:19

Ngana, Kaluguran na ka ning Dios, inya e mu paintulut ing ligaligan na ka o pamatakutan ning nanumang bage. Inyang asabi na iti, dimdam kung lalu kung mesikan at sinabi ku, Makamal, sabian mu kanaku ing buri mung sabian. Uli mu masalese na ku panamdam.

Ukum 6:12

Karin ya pepakit ing anghel ning Ginu at ngana kang Gideon, Ing Ginu kayabe me, O lalaking masikan at matapang.

Lucas 1:30

Ngana ning anghel, Maria, e ka mitatakutan uling meging malam ya lub keka ing Dios.

Efeso 1:6

Purian ta ya uli na ning maragul nang grasyang regalu na kekatamu king kapamilatan na ning pakamalan nang Anak!

Ding Dapat 18:10

uling kayabe mu ku. E na ka ananu balang ning ninuman, uling kanaku la ding keraklan karing tau king siudad a iti.

Lucas 1:42

migsalita yang masikan. Ngana, Mapalad ka karing sablang babai! At mapalad ya ing anak a mibait keka!

Ukum 5:24

Ing pekamapalad karing sablang babai ya pin i Jael, ing asawa nang Heber a Keniteo; ya ing mapalad dili karing babaing manuknangan karing tolda.

Mateo 12:48

Oneng nganang Jesus, Ninu wari ing ima ku at ninu ding kapatad ku?

Hosea 14:2

Mibalik na kayu at sabian ye king Ginu iting panalangin: Patawaran mu sana ing sabla ming kasalanan; tanggapan mu sana ing panalangin mi at samban da ka antimo ing pengaku mi.

Isaias 43:5

E ka tatakut; atyu ku siping mu! Ibat king marayung aslagan, at angga king marayung albugan, kaku lang iyuli kekang memalen.

Ruth 2:4

Mipaintagun king dinatang ya i Boaz a menibatan Betlehem. Ngana karing taung papalut, Mantabe ya kekayu ing Ginu. Bendisyunan na ka sa ning Ginu, ngara namang mekibat.

Lucas 1:27

Atin yang balita para king metung a babaing birhen a makapangakung kasal king lalaking milagyuan Jose a ibat king lahi nang Aring David. Maria ing lagyu na ning babaing birhen.

Lucas 1:29

Tutu yang melingasngas a lub i Maria uli na niting amanung sinabi na ning anghel at isip-isipan na nung nanu ing kabaldugan na niti.