Lucas 1:18 - Ing Mayap a Balita Biblia

¹⁸ Nganang Zacarias king anghel, Makananu kung abalu king tutu yan? Matua na ku at antimu rin ing asawa ku.

Lucas 1:18 Iomraidhean Croise

Genesis 15:8

Nganang mengutang Abram, O Ginung Dios, makananu kung abalung abandi ku iti?

Genesis 17:17

Migsakab ya i Abraham king gabun, oneng mipakayli ya. At nganang sinabi king lub na, Mikayanak ya pa wari ing lalaking dinalan nang banua? Makapanganak ya pa wari i Sarah a siam nang pulung banua?

Genesis 18:12

Meyli ya king sarili na i Sarah. Ngana, Ngening mistula na kung matua at ing asawa ku naman matua ne balu ku pa kaya ing tula na ning laman?

2 Ari 7:2

Ngana ning lalaking mag-asikasu king ari, Talasuyu ning Dios, e mapalyari yan agyang pang ibuklat ne ning Ginu ing awang ning banua. Pekibat nang Eliseo, Akit mu mu rin bukas king iti mapalyari oneng e ka makapangan.

Isaias 38:22

Kanita kitang na ning Aring Hezekia, Nanung tanda ing aibie mu king aku malyari ku pang milub king Templo ning Ginu?

Lucas 1:34

Nganang sinabing Maria king anghel, Makananung mapalyari iti kabang ala na ku mang asawa?

Lucas 1:7

Oneng e la mikayanak uling baug ya i Elizabeth at matua na lang parehu.

Roma 4:19

Halus dinalan neng banua tua kanita; oneng e bitasang kinupas ing kasalpantayanan na inyang aisip na king halus gugupu ne, at king i Sarah ala ne king idad a malyari ya pang mikayanak.