Lucas 1:17 - Ing Mayap a Balita Biblia

¹⁷ Datang yang mumuna king Ginu, masikan at mayupayang antimo i propeta Elias ba na lang pikasunduan pasibayu ding tata at ding anak; ban tuntun la ding makasalanan king dalan da ring matulid, at ban isadia ne para king Ginu ing balen a pinili na.

Lucas 1:17 Iomraidhean Croise

1 Ari 17:1

Ating metung a propeta a tau Tisbe, Gilead. Elias ing lagyu na. Nganang sinabi kang Aring Ahab, King lagyu na ning Ginu, ing mabie Dios ning Israel a kakung susuyuan, sasabian ku keka: e muran o mambun man kilub ding adua o atlung banua anggang e ku sabian.

1 Ari 18:18

Pekibat nang Elias, E ku mapanggulu. Ika at i tata mu ding mapanggulu, uling lalabagan mu la ding utus na ning Ginu at uling sasamban mu la ding idolo nang Baal.

1 Ari 21:20

Inyang ikit neng Ahab i Elias, sinabi na, A, atyu ne naman ing kakung kalaban! Ngana namang mekibat Elias, Wa, ikit da ka uling migbabad ka king dapat a e mayap king akakit na ning Ginu.

2 Ari 1:16

Nganang Elias king ari, Oyni ing sasabian na keka ning Ginu, Ala na waring dios a akutnan mu king Israel at mitubud kang tauan mu ban mangutang kang Baalzebub, ing kikilalanan nang dios ning Ekron? Uli na ning gewa mung yan, e na ka milako king pagkeran mu. Siguradung mate ka!

1 Cronica 29:18

O Ginung Dios da ring kekaming makatuang i Abraham, Isaac, at Israel, papanatilian mu sana iting nasa karing pusu da ring kekang memalen at manatili la sanang tapat keka.

2 Cronica 29:36

Masaya yang masaya i Aring Hezekia at ding sablang memalen uli na ning depat ning Dios para karela uling meyari ing sukat marapat king malalaguang panaun.

Ding Dalit 10:17

O Ginu, ing panalangin ding taung mababa lub keka sanang pakiramdaman; pusu ra keka la sanang dinan sikanan.

Ding Dalit 111:10

Ing ating takut king Ginu ya ing pasimula king kabiasnan; dirinan na lang mayap a pamanalastas ding mamintu karing utus na. Purian ya kapilan pa man.

Ding Dalit 78:8

Kanita e la mangari karing karelang makatua; king Dios e la maging masias a buntuk at lahing mapaglaban; maging lahi lang matatag at manatiling tapat king Dios.

Isaias 29:24

Mabiasa lang makaintindi ding taung mangmang at tumula la ding parating tututul king pangaturuanan da.

Amos 4:12

Uli na niti, O memalen ning Israel, parusan da kayu. Uli na ning daptan ku ing anti kaniti, magsadia kayung marap king atul ku!

Mateo 11:14

At nung buri yung paniwalan ing sinabi ra, i Juan ya ing Elias a mipangakung datang.

Mateo 14:4

Nganang Juan kang Herodes, Labag king Kautusan ing pakiabayan meng anting asawa mu i Herodias!

Mateo 3:3

I Juan ya ing taung amanuan ning propeta Isaias inyang nganang sinabi, Ing siwala king disyerto kukulait na: Isadia yu ing dalanan ning Ginu, itulid yu la ding dalan a tuntunan na!

Mateo 3:4

Gewa king buak kamelyu ing imalan a susulud nang Juan at makababat yang gewa king balat animal. Durun at pulut-panilan ing pamangan na.

Lucas 1:16

Dakal la karing anak na ning Israel ding papagbalikan na king Ginung karelang Dios.

Lucas 1:76

Ika, anak ku, mayaus kang propeta na ning Kakataskatasan a Dios. Datang kang makauna king Ginu ban isadia mu ing dalanan na,

Juan 1:13

Meging anak na la ning Dios e king kapamilatan na ning daya o ning pamitan ning laman o ning dapat ning tau; ing Dios mismu ya ing Ibpa ra.

Juan 1:34

Ikit ku iti at patutuan ku king ya ing Anak ning Dios.

Juan 3:28

Ikayu mismu apatutuan yu king sinabi ku, Aliwa aku ing Cristo, nune mituburan kung makauna keya.

Ding Dapat 10:33

Inya agad-agad da kayung peparakit, at dakal a salamat birian yu namang dinatang. Ngeni ikami ngan atyu ke keti king arapan na ning Dios manayang makiramdam king nanumang inutus nang sabian yu ning Ginu.

Roma 9:23

Buri na namang ipakilala ing maragul nang kaligayan a mitugtug kekatamu a buri nang mirarasnan king lunus na, kekatamung sidia nang tanggap king kaligayan na.

Colosas 1:12

Pasalamat kayung mitmung tula king Ibpa uling gewa na kayung karapatdapat mirakayanan king sasadia na ning Dios king kayarian ning sala para king balen a pinili na.

2 Timoteo 2:21

Ing ninumang meko king dewakan mibilang ya karing kasangkapan a mangamal; magamit ya king makabukud a parasan uling mitalaga ya at atin yang kasilbian king Ginu na. King uli na niti, makasadia yang magamit king balang dapat a mayap.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.

1 Juan 2:28

Inya, anak ko, manatili kayu kang Cristo ban maging panatag ing lub tamu king paniatang nang pasibayu at ban e tamu dumine king Aldo ita.

Kapahayagan 20:4

Menakit ku namang dakal a tronu. At mirinan lang kapaintulutan matul ding makalukluk karing tronu. Ikit ku la ding kaladua da ring pete ra uli na ning pamagpatutu ra kang Jesus at karing amanu na ning Dios. E la sinamba deti king animal a mabagsik o king larawan na ni tinanggap king tatak na karing karelang kanuan o gamat. Mebie lang pasibayu ban mag-aring kayabe nang Cristo kilub ding libung banua.

1 Samuel 7:5

Kaybat nganang Samuel, Tipunan yu la ding sablang Israelita karin Mizpa at panalangin da kayu king Ginu.