Lucas 1:13 - Ing Mayap a Balita Biblia

¹³ Oneng ngana ning anghel, Zacarias, e ka tatakut! Dimdam na ning Dios ing kekang panalangin, inya manganak yang metung a lalaki ing asawa mung i Elizabeth. Pamalagyuan meng Juan.

Lucas 1:13 Iomraidhean Croise

Genesis 17:10

Oyni ing kasunduan a sukat yung tuparan: ika at ding lahi mung lalaki sukat lang masirkunsisyun.

Genesis 17:19

Pekibat na ning Dios, E malyari! Ibait ne ning asawa mung i Sarah ing anak mung lalaki at ausan meng Isaac at makikasundu ku keting maging anak mu angga king alang angga at karing lahi nang sasalisi.

Genesis 18:14

Atin waring bage a e na arapat ning Ginu? Mikayanak neng lalaki i Sarah potang balikan da ka keng tutuking banua.

Genesis 25:21

Menalangin ya i Isaac king Ginu para king asawa na uling e ya manganak. Pekiramdaman na ning Ginu ing panalangin na; kinagli ya at mebuktut i Rebeca.

Ding Dalit 113:9

Ing babaing e mikakayanak parangalan ne king pibalebale na; paligayan ne kapamilatan ning pamamie nang anak. Purian ya ing Ginu!

Ding Dalit 118:21

Ginu, ika ing kakung pasalamatan, uling kakung panalangin kekang pekibatan layun mu kung pepagtagumpayan.

Isaias 8:3

Kaybat na nita, siniping ku king kanakung asawa. Mebuktut ya at menganak yang metung a lalaki. Kanita, ngana ning Ginu kanaku, Pamalagyuan meng Maher-shalal-hashbaz.

Daniel 10:12

Kaybat sinabi na, Daniel, e ka sa mitatakutan. Dimdam na la ning Dios ding kekang panalangin manibat na inyang inari mu king lub mu ing magpakumbaba ka ban akua mu ing beluan. Dinatang ku bilang pakibat king kekang panalangin.

Hosea 1:4

nganang sinabi ning Ginu kang Hosea, Pamalagyuan meng Jezreel, uling e lumuat parusan ku ne ing ari na ning Israel uli na ning pamakamate a depat ning makatua nang i Jehu karin king Jezreel. Dinan ku nang angganan ing pamamahala ra ding pamilya nang Jehu king Israel.

Hosea 1:6

Menganak yang pasibayu i Gomer at babai ya ing anak na. Kanita ngana ning Ginu kang Hosea, Pamalagyuan meng E Liguran, uling e ku na la pakitanan pang lugud ding memalen na ning Israel at e ku na la patawaran.

Mateo 1:21

Ibait ne ing metung a anak a lalaki, at ausan meng Jesus uling ya ing magligtas king balen na king pamikasala na.

Mateo 14:27

Agad-agad yang minaus karela i Jesus. Ngana, E kayu tatakut! Aku i Jesus!

Mateo 28:5

Migsalita ya ing anghel karing aduang babai. Ngana, E kayu tatakut. Balu ku king panintunan ye i Jesus a pinaku ra king krus.

Marcos 16:6

E kayu tatakut, ngana ning lalaki. Panintunan ye i Jesus ning Nazaret, ing mipaku king krus? Ala ne keti. Sinubli neng mebie! Oyan ing lugal nung nukarin de binili.

Lucas 1:14

Tumula ka at magsaya, at dakal lang tumula king pangabait na

Lucas 1:30

Ngana ning anghel, Maria, e ka mitatakutan uling meging malam ya lub keka ing Dios.

Lucas 2:21

Kalabas na ning paruminggu, inyang miras na ing aldo masirkunsisyun ya ing bingut, pemalagyuan deng Jesus, ing lagyung binie na ning anghel bayu ya pa mipangagli.

Ding Dapat 10:31

at ngana kanaku, Cornelio! Pekiramdaman na ning Dios ing kekang panalangin at e na kelinguan ing sablang depat mung mayap.

Ukum 6:23

Ngana ning Ginu, Gideon, magpayapa ka; e ka tatakut, e ka mate.

1 Samuel 2:21

Melunus ya ing Ginu kang Ana at mebuktut ya, at mikayanak ya pang atlung lalaki at aduang babai. Ing anak a Samuel naman meragul yang susuyu king Ginu.