Lucas 1:11 - Ing Mayap a Balita Biblia

¹¹ Kabud-abud pepakit ya kang Zacarias ing anghel na Ginu; makatalakad ya king banda nang wanan ning altar, king lugal nung nu ra durulukan ing insenso.

Lucas 1:11 Iomraidhean Croise

Levitico 16:13

Karin king arapan ku, ing Ginu, ibili na king uling a mibabaya ing insenso ban pampanan ne ning asuk ning insenso ing takap na ning Kaban ning Kasunduan ban e ne akuang akit at e ya mate.

Lucas 1:19

Aku i Gabriel, nganang mekibat ning anghel, makatalakad ku arap ning Dios a mitubud kanaku ban sabian ku at ipayabut keka iting mayap a balita.

Lucas 1:28

Dinatang ya kang Maria ing anghel at ngana, Ing kapayapan manatili keka! Ing Ginu atyu keka at binendisyunan na kang e mu nanu!

Lucas 2:10

Oneng ngana ning anghel karela, E kayu mitatakutan! Uling pagdala da kayung mayap a balita a munie maragul a tula karing sablang tau.

Lucas 2:9

Bigla yang pepakit karela ing anghel ning Ginu. At linaganap king makapatulug ing makasilo nang ligaya ning Ginu. Tiblan na la ning maragul a takut!

Ding Dapat 5:19

Oneng kanita mu ring benging ita biklat na la ning anghel ning Ginu ding pasbul ning sukulan; tinaid na lang linual ding apostol at ngana karela,

Hebreo 1:14

Nung makanyan, nanu la pin mo ding anghel? Pawa lang espiritung susuyu king Dios, at tutuburan nang sumaup karing sablang tanggap kaligtasan.

Kapahayagan 9:13

Inyang tiniupan ne ning kanam a anghel ing trumpeta na, dimdam ke ing siwala a manibat karing suluk na ning altar a gintu a atyu arap ning Dios.

Ukum 13:3

Misan a aldo, pepakit ya king asawa na ing anghel ning Ginu. Ngana, E ka pa bitasang mikayanak, oneng ngeni kumagli ka at manganak metung a lalaki.

Ukum 13:9

At pekiramdaman na ning Dios ing inawad nang Manoa, at pepakit yang pepasibayu king asawa na ing anghel na ning Dios kabang makalukluk ya king marangle; oneng e ne kayabe i Manoa a asawa na.