Levitico 9:9 - Ing Mayap a Balita Biblia

⁹ Kaybat na nita, diwang da ring anak nang lalaki ing daya. Tiniltil neng Aaron ing taliri na king daya at kiskasan na la kaniti ding sagu a makapaligid king altar. Tigtug na ing dayang mitagan king talpakan na ning altar;

Levitico 9:9 Iomraidhean Croise

Ezekiel 43:15

Iting dake na babo nung nu da la durulukan ding ain-sakripisyu pitu yang talampakan king katas. Makatas lang bagya ding apat nang sagu kesa ketang king babo.

Ezekiel 43:20

Kuma kang ditak king daya ning toro at ibili mu karing apat nang sagu ning altar, karing apat nang suluk, at king makapadurut a pasamanu. Alinis mu ne kanita at aitalaga ing altar.

Levitico 16:18

Kalual na munta ya king altar a pidurulukan karing ain at saka ne linisan iti. Kuma yang ditak king daya na ning toro at ditak king daya na ning kambing, at saka na ikaskas karing sagu a makapaligid king altar.

Levitico 4:25

Kuma yang ditak ing pari king daya na ning kambing at ibili na iti karing sagu na ning altar ning pidurulukan ain. Itugtug na ing dayang mitagan king talpakan na ning altar.

Levitico 4:30

Kuma yang ditak ing pari king daya na ning kambing at ibili na iti karing sagung atyu king altar. Itugtug na ing dayang mitagan king talpakan na ning altar.

Levitico 8:15

Pete neng Moises ing toro at saka ya kinangwang ditak a daya. At king taliri na kinangwa yang ditak a daya at kiskas na iti karing sagu a atyu king altar ban italaga ne. Kaybat, sinabug na ing mitagan king daya king talpakan na ning altar bilang pamitalaga kaniti at ing pangadalise na.

Levitico 9:10

pero dilukan na ing taba ning animal, ding batu ampon ing tabang meyakua king masanting nang dake ning ate, agpang king inutus na ning Ginu kang Moises.

Levitico 9:12

Pete nia namang Aaron ing animal para king sarili nang ain-a-durulukan. Diwang de kang Aaron ding anak nang lalaki ing daya, at kaybat tigtug na king paligid na ning altar.

Levitico 9:18

Katataulian, pete ne ing toro at ing lalaking tupa bilang ain-ning-pamisulusulu para karing tau. Linapit da kang Aaron ding anak nang lalaki itang daya ra deting animal at sinabug na iti king paligid na ning altar.

Hebreo 2:10

Matulid king ing Dios a linalang at papanatili king sabla ing gawan neng ganap i Jesus king kapamilatan na ning kasakitan ban adala na la ding dakal nang anak king pamakirake king ligaya na. I Jesus ya ing panibatan na ning karelang kaligtasan.