Levitico 9:4 - Ing Mayap a Balita Biblia

⁴ Pakuanan mu la namang toro at lalaking tupa para iyain da bilang ain-ning-pamisulusulu. Iyain da la ngan deti king Ginu at ing ain-a-binutil a singkapan taba. Kailangan ing tuparan da ngan iti, uling pakit ya karela ing Ginu ngening aldong iti.

Levitico 9:4 Iomraidhean Croise

Exodo 16:10

Kabang magsalita ya i Aaron karing sablang memalen ning Israel melikid la banda king disyerto at kabud-abud ing makasilo nang aslag ning panga-atyu ning Ginu meyakit libutad na ning biga.

Exodo 19:11

at magsadia la king aldo kaybat ning bukas. King aldo a ita kuldas ku king Bunduk ning Sinai ban malyari da kung akit ding sablang tau.

Exodo 24:16

Migdatun king babo ning bunduk ing makasilo nang aslag ning panga-atyu ning Ginu. Anam yang aldo makatakap king biga. King kapitung aldo, ibat king makapal a biga, inaus ne ning Ginu i Moises.

Exodo 29:43

Karin ke pakitagpuan ing balen Israel at ing masala nang aslag ning panga-atyu ku ya ing munie kabanalan king lugal a ita.

Ezekiel 43:2

Karin ke ikit daratang ibat king aslagan ing makasilo nang aslag ning Dios ning Israel. Mengari ya ing siwala na king dabungbung ning alun ning dagat. Maslag yang maslag ing yatu uli na ning makasilo nang aslag.

Ezekiel 43:27

Kalabas da reting pitung aldo, itang kawalung aldo at ding tuki-tuki nang aldo, iyain da na la ding pari king altar ding ain-a-durulukan at ain-ning-pamisulusulu da ring tau. At aku naman tanggapan da kayu. Aku, ing Ginung Dios, ing migsalita.

Levitico 2:1

Neng miyayain yang ain-a-binutil ing ninuman para kanaku, ing Ginu, sukat na pa mung gilingan iti ban magawang arina. Tugtugan nang larung olibo at dinan nang insenso,

Levitico 3:1

Nung ing yayain ning ninuman metung yang ain-ning-pamisulusulu, iyain ne ing metung karing toro o baka na, at sukat ing ala yang dipektu.

Levitico 9:23

Kaybat na nita, ya ampon i Moises linub la king Toldang tuknangan ning Ginu. Inyang linual na la, binendisyunan da la ring tau, at ikit da ring sablang memalen ing makasilo nang aslag ning Ginu.

Levitico 9:3

Sabian mu munaman karing memalen na ning Israel ing magdala lang lalaking kambing a iyain da bilang ain-a-kapamayaran-king-kasalanan. Magdala la namang baka a pabanua tua at tupa a pabanua munaman a tua. Kailangan king deti ala lang dipektu para king ain-a-durulukan.

Levitico 9:5

Inya dela da la king arap ning Tolda ding sablang pepakua nang Moises karela, at mitipun ya ing mabilug a kapulungan karin ban samba king Ginu.

Levitico 9:6

Ngana karelang Moises, Inutus na ning Ginu ing daptan yu ngan iti ban ing makasilo nang aslag ning Ginu mihayag kekayu.

Ding Bilang 14:10

E la meniwala ding memalen na ning Israel at belan da lang pamasibasan batu ri Josue at Caleb angga king mate la. Kanita ing masalang aslag na ning panga-atyu ning Ginu sinlag babo na ning Toldang tuknangan ning Ginu.

Ding Bilang 16:19

Kanita tinipun na lang Kora ding sablang memalen at tinalakad la arapan da ri Moises at Aaron karin king pasbul ning Toldang tuknangan ning Ginu. Kabud-abud sinlag ing makasilo nang panga-atyu ning Ginu karing sablang atyu karin.