Levitico 9:3 - Ing Mayap a Balita Biblia

³ Sabian mu munaman karing memalen na ning Israel ing magdala lang lalaking kambing a iyain da bilang ain-a-kapamayaran-king-kasalanan. Magdala la namang baka a pabanua tua at tupa a pabanua munaman a tua. Kailangan king deti ala lang dipektu para king ain-a-durulukan.

Levitico 9:3 Iomraidhean Croise

Genesis 37:31

Mekamate lang biserung kambing at kaybat sinoso re king daya ing imalan a likas da kang Jose.

Ezra 10:19

Pengaku ra king kawanian da la ring karelang asawa at miyain lang metung a lalaking tupa bilang ain-a-kapamayaran-king-kasalanan da.

Ezra 6:17

Para king pangatalaga na ning Templo ning Dios miyain lang dinalan a lalaking baka, aduang dalan a lalaking tupa, apat a ralan a biserung tupa, at labing aduang lalaking kambing para ain-a-kapatawaran-king-kasalanan da ring labing aduang tribu na ning Israel.

Exodo 12:5

Malyari kayung mamiling metung a tupa o kaya metung a kambing, oneng kailangan king lalaki ya at pabanua tua, at ala yang kapansanan.

Isaias 53:10

Ngana ning Ginu, Kaburian ku ing dumalan yang kasakitan; metung yang ain-sakripisyu ing kamatayan na ban mipatawaran ing kasalanan. Inya akit na lang lahi na; kumaba ya bie at king kapamilatan na ing parasan ku magtagumpe.

Levitico 10:16

Kaybat na nita, kitang neng Moises ing kambing a sukat iyain bilang ain-a-kapamayaran-king-kasalanan, at abalu na king iti dilukan da ne pala. Inya mimua ya kari Eleazar at Itamar. Sebianan na la. Ngana,

Levitico 12:6

Potang meganap na ing pangalinis na para king anak nang lalaki o babai, sukat yang magdalang metung a biserung tupa a pabanua tua bilang ain-a-durulukan ampon metung a patipati o kaya metung a batu-batu bilang ain-a-kapamayaran-king-kasalanan. Idala na la deti king pari tulid ning pasbul ning Toldang tuknangan ku, ing Ginu.

Levitico 14:10

King kawalung aldo magdala yang aduang biserung lalaking tupa at metung a biserung babaing tupa a pawang pabanua tua at alang dipektu, limang litrung arinang singkapan larung olibo, at kapitnang litrung larung olibo.

Levitico 16:15

Kaybat na nita, paten ne ing kambing para king ain-a-kapamayaran-king-kasalanan da ring tau. Idala na ing daya na niti kilub na ning Kabanal-banalan a Lugal, at ipisik na king babo na ning takap, at kaybat king arap ning Kaban ning Kasunduan, antimo ing depatan na king daya ning toro.

Levitico 16:5

Dinan ne ning balen Israel aduang kambing a lalaki i Aaron bilang ain-a-kapamayaran-king-kasalanan at metung a lalaking tupa bilang ain-a-durulukan.

Levitico 23:12

King aldo iyain ya iting binutil, magdala kayu namang metung a lalaking tupa a pabanua tua at alang dipektu bilang ain-a-durulukan.

Levitico 4:23

kabud meyaus ya pansin tungkul king pamikasala na, sukat yang magdalang metung a kambing a lalaki a alang dipektu bilang ain na.

Levitico 4:3

Nung ing mikasala ya ing Pamuntuk da ring Pari at uli na niti midame la ding tau king pamikasala na, sukat yang miyain biserung toro a alang dipektu, at iyain ne iti kanaku, ing Ginu, para king kasalanan na.

Levitico 9:2

Nganang sinabi kang Aaron, Kuma kang metung a biserung toro at metung a lalaking tupa a parehung alang dipektu. Iyain me ing biserung toro bilang ain-a-kapamayaran-king-kasalanan at ing lalaking tupa bilang ain-a-durulukan.

Levitico 9:4

Pakuanan mu la namang toro at lalaking tupa para iyain da bilang ain-ning-pamisulusulu. Iyain da la ngan deti king Ginu at ing ain-a-binutil a singkapan taba. Kailangan ing tuparan da ngan iti, uling pakit ya karela ing Ginu ngening aldong iti.

Roma 8:3

Depat na ning Dios ing e na arapat ning Kautusan uli na ning keinan ning tau. Tinubud ne ning Dios ing Anak na a dinatang kalupa na ning taung makasalanan ban ilako na ing kasalanan. King kapamilatan na ning depat nang iti ning Dios perusan na ing kasalanan a magobra king keinan na ning tau

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Tito 2:14

Binie na ing sarili na para kekatamu ba na katamung sagipan king sablang e mayap at gawan na katamung bansang bandi nang sarili, malinis at makatalaga king pamaniapat mayap.

1 Pedro 2:24

Dela na la king katawan nang Cristo ding kasalanan tamu kanitang pinaku de king krus ban kanita itamu mate ta na king kasalanan at mie tamu king katuliran. King kapamilatan da ring sugat a tinggap na, kinayap kayu.

1 Pedro 3:18

Uling i Cristo mismu mete ya para karing kekayung kasalanan, misan mu at para king kapilan pa man, ing taung banal para karing taung makasalanan, ban kanita akua na katamung ilapit king Dios. Pete re ing katawan na, oneng sinubli yang mebie bilang espiritual,

Kapahayagan 5:9

Kinta de ing bayung kanta. Ngara, Ika ing karapatdapat kuma king libru, at mibuklat karing tatak na. Uling pete ra ka at king kapamilatan na ning kekang kamatayan keka lang linigtas para king Dios ding taung manibat king balang lahi, salita, balen, at bansa.