Levitico 8:8 - Ing Mayap a Balita Biblia

⁸ Pepasulud ne ing takap-salu at saka na la binili kilub da ring Urim at Tumim.

Levitico 8:8 Iomraidhean Croise

Ezra 2:63

Sinabi na karela ning gobernador king e la malyaring mangan king pamangan a miyain king Dios anggang e na asangguni ning pari iting bage king kapamilatan na ning Urim at Tumim.

Nehemias 7:65

Sinabi na karela ning Judiong gobernador king e la malyaring makapangan king pamangan a miyain king Dios anggang alang paring makagamit king Urim at Tumim.

Exodo 29:1

Oyni ngeni ing sukat mung daptan kang Aaron at karing anak nang lalaki ban aitalaga mu la bilang paring sumuyu kanaku. Kuma kang metung a baintaung toro ampon aduang lalaking tupa a alang kapansanan.

Ing Malagung Diling Kanta 8:6

Aku mung dili sana ing kekang luguran, aku mu sana ing kekang kaulan. Nung nu ya anti kayupaya ing kamatayan, ing lugud makanyan ya naman. Ing pangalalu mabagsik yang anti ing kutkutan; anti ya king aping gigisan.

Isaias 59:17

Isulud ne ing hustisia anti ing baluti na ning sundalus, at anting helmet ing magligtas nang upaya. Miblas ya king maragul a kapagnasan at mibili la ding bage king sukat dang pagkabilian, at mamarusa ampon mablas karing kamalian a babie pasakit karing tau.

Ding Bilang 27:21

Asahan ne i Eleazar a pari a makabalu king kaburian ku king kapamilatan na ning pamangamit na king Urim at Tumim. King anti kaniting paralan ne tairan Eleazar i Josue at ing mabilug a balen king sabla rang dapat.

Efeso 6:14

Inya magsadia kayu: babatan ye ing kekayung awakan king sinturun na ning katutuan, itakap ye king salu yu ing baluti na ning katuliran.

Deuteronomio 33:8

King tribu nang Levi sinabi na: Ginu, ibie mu la kang Levi ding kekang Tumim at Urim ban abalu na ing kekang kaburian. Ding tapat mung talasuyu ila ding Levita, sibukan mu la karin king Massa, at meyakit lang tapat karin king danuman ning Meriba.

1 Tesalonica 5:8

Anti na ning atyu tamu king panig na ning aldo, kailangan tamung ating mabie kaisipan. Gawan ta yang baluti na ning salu ing kasalpantayanan at ing lugud, at gawan helmet ing kapanayan king pamagligtas a daptan na ning Dios para kekatamu.

1 Samuel 2:28

Karing sabla nang tribu ning Israel pinili keng maging kanakung pari ban mangasiwa king kanakung altar, duluk insenso, at magdala king efod arapan ku; at king pamilya ning penibatan mu karin ku la tituk ding sablang ain-a-durulukan a idala da ring Israelita.

1 Samuel 28:6

Inyang singguni na iti king Ginu, e ne pekibatan ni king kapamilatan na ning paninap o ning Urim at Tumim o ding propeta.