Levitico 8:7 - Ing Mayap a Balita Biblia

⁷ Kaybat na nita, pepasulud ne ing barung ating takde makaba at ing balabal kang Aaron ampon ing paha king awakan na. Pepasulud nia naman ing efod at pinilmi ne iti king kapamilatan na ning mapinung babat.

Levitico 8:7 Iomraidhean Croise

Exodo 28:2

Ipagawa meng imalan pari i Aaron a kapatad mu; imalan a munie dangal at sintingan king obra na.

Exodo 28:4

Sabian mu karela king gawa lang metung a takap-salu, metung a efod, metung a barung makaba, metung a kamisang birdahan, metung a turban, at metung a paha. Gawan da la reting imalan pari para kang Aaron at para karing anak nang lalaki ban makasuyu na la kanaku bilang pari.

Exodo 28:6

Kailangan yang magawa ing efod king lanang asul, muradu, at malutu, sinulad a gintu, mapinung linen, at palamutian deng burda.

Exodo 29:5

Kaybat na nita, piblasan me i Aaron karing imalan pari, ing kamisa, ing efod, ing barung makaba a makababo king efod, ing takap-salu, at ing sinturun.

Isaias 61:10

Magsaya ya ing Jerusalem uli ning depat ning Ginu. Mengari ya king dalagang makaimalan pangkasal. Pibablas ne ning Ginu king tagumpe at kaligtasan!

Isaias 61:3

ban detang tatangis king Zion kaku lang atdanan tula at saya king lugal ning kalungkutan, lugal king tangis magkanta lang kapurian. Mangari la karing tanaman a tenam na mismu ning Ginu. Daptan da ngan ing matulid at ustu, at purian de ing Dios uli ning depat na.

Ezekiel 42:14

Potang linub la king lugal a iti e la malyaring lumual king patyu a e menaliling imalan. Lakuan da kareting kuartu ing sinulud dang imalan king pamaniuyu king Ginu. Aliwa ya ing isulud dang imalan neng makiabe la kareng tau.

Roma 13:14

Paburen yung i Jesu-Cristo a Ginu ya ing maging paniagka yu; e yu na panusigan ing e mayap nang pamitan ning kekayung keinan.

Roma 3:22

Lalapit na la ning Dios ding tau king sarili na king kapamilatan na ning kasalpantayanan da kang Jesu-Cristo. Daraptan na iti ning Dios karing sablang taung sasalpantaya kang Cristo. Paraparehu la ngan

Galacia 3:27

King pangabinyag yu miyabe kayu kang Cristo. Mipiblasan kayu king bie na mismung Cristo.

1 Samuel 2:28

Karing sabla nang tribu ning Israel pinili keng maging kanakung pari ban mangasiwa king kanakung altar, duluk insenso, at magdala king efod arapan ku; at king pamilya ning penibatan mu karin ku la tituk ding sablang ain-a-durulukan a idala da ring Israelita.