Levitico 8:3 - Ing Mayap a Balita Biblia

³ Tipunan mu la karin ding memalen ning Israel.

Levitico 8:3 Iomraidhean Croise

1 Cronica 13:5

Inya tinipun na lang David ding Israelita manibat king Sihor ning Ehipto angga king Pidadalanan ning Hamat ban kuanan ya king Kiriat Jearim ing Kaban ning Dios at kaybat idala ya king Jerusalem.

1 Cronica 15:3

Kanita pepayaus na la ngang David ding sablang memalen na ning Israel a mitipun king Jerusalem ban idala ya ing Kaban ning Ginu ketang lugal a sidia na para kaniti.

2 Cronica 30:13

Tutu lang dakal ding taung dinatang king Jerusalem kanitang kaduang bulan ban pagselebran ya ing Piesta ning Tinape Alang Lebadura.

2 Cronica 30:2

Ing ari, ding galame na, at ing mabilug a kapulungan pikayari da ing daptan da iting pamagselebra king kadua nang bulan ning banua,

2 Cronica 30:25

Masaya lang masaya ding memalen na ning Juda, ding pari, at ding Levita, ding taung menibatan king norti, at ding dayuan a menatili nang manuknangan king Israel at Juda.

2 Cronica 5:2

Kaybat na nita, pepayaus na lang Aring Solomon ding manimuna da ring tribu at pamilya ning Israel ban mitipun la king Jerusalem at kaybat kuanan de ing Kaban ning Kasunduan ning Ginu a atyu king Zion, ing Siudad nang David, at kaybat idala de king Templo.

2 Cronica 5:6

Mitipun la king arap ning Kaban di Aring Solomon at ding memalen ning Israel at miyain lang ain a tupa at baka a e abilang-bilang uli na ning karakal da.

Nehemias 8:1

Inyang miras ne ing kapitung bulan, panatag na lang manuknangan ding memalen na ning Israel karing karelang sarasariling balen. King mumunang aldo na ning bulan a ita mitipun la Jerusalem, karin king plasa lele ning Pasbul dalan ning Danum. Inawad da kang Ezra, ing pari at biasa king Kautasan a binie ning Dios king Israel king kapamilatan nang Moises, ing kuanan ne ing libru ning Kautusan.

Ding Dalit 22:25

Ika ing kakung purian king maragul a kapulungan, uli ning kekang depatan; kakung penata kakung tuparan king karelang arapan.

Levitico 14:11

Ituki ne ning pari ing tau pati na ing regalung darala na king pasbul ning Toldang tuknangan ku, ing Ginu.

Levitico 8:2

Ituki me i Aaron at ding anak nang lalaki karin king pasbul ning Toldang tuknangan ku. Idala mu ing imalan-pari, ing larung paglania, ing biserung toro para king ain-a-kapamayaran-king-kasalanan, ding aduang lalaking tupa, at ing basket a maki tinape alang lebadura.

Levitico 8:4

Tiparan nang Moises itang inutus na ning Ginu. Inyang makatipun na la karin ding tau,

Ding Bilang 20:8

Kuanan me ing tukud a makabili arap ning Kaban ning Kasunduan at kaybat ika ampon i Aaron tipunan yu la ring memalen. At king arapan da, magsalita ka king batu at lumual ing danum para karing tau at karing sese rang animal.

Ding Bilang 21:16

Meko la karin at miglakbe lang papunta king Beer, ing talaga nung nu na sinabi ning Ginu kang Moises ing anti kaniti: Tipunan mu la ring tau at dinan ku lang danum.

Ding Bilang 8:9

Kaybat idala mu la reting Levita king arapan na ning Toldang tuknangan ku at iyarap king akakit da ring makatipun a Israelita.

Ding Dapat 2:1

Inyang miras ing aldo ning Pentecoste, makatipun la ding sablang talasalpantaya king metung a lugal.