Levitico 8:21 - Ing Mayap a Balita Biblia

²¹ At kaybat nang meluglug ning laman lub at ding bitis, dilukan neng Moises ing kabilugan a lalaking tupa. Iting ain-a-durulukan metung yang ain-a-pamangan; babie tula kanaku, ing Ginu, ing bau na niti.

Levitico 8:21 Iomraidhean Croise

Genesis 8:21

Ngana ning Ginu king lub na inyang abau na ing mabanglung ain, E ku ne kapilan man isumpa ing yatu uli na ning gagawan ning tau. Tutu pin ing makayungyung ne ing pusu na ning tau king e mayap manibat na king kayanakan na. E ku na la gisanan paten kapilan man ding mabie antimo ing gewa ku.

Exodo 12:9

E ye kakanan sagiwa o linaga; kanan yeng melitsun kabilugan pati na ing buntuk, ding bitis, at ing laman lub.

Exodo 29:18

Dulukan me ing lalaking tupa king altar bilang ain-a-kakanan. Babie tula kanaku, ing Ginu, ing bau na niti.

Exodo 40:16

Tiparan na ngan Moises ing sablang inutus na ning Ginu.

Levitico 1:13

Luglugan na ning miyayain ing laman lub ampon ding bitis ning animal, at ing pari ya ing miyain kareti king Ginu at dulukan na ngan king altar. Babie tula kanaku, ing Ginu, ing bau na niting ain-a-pamangan.

Levitico 1:17

Kaybat na nita, talnan ne karing pakpak at saka ne pirasuan a katawan; ita sanang e la mikawani ding pakpak. Kaybat, dulukan neng kabilugan king altar. Babie tula kanaku, ing Ginu, ing bau na niting ain-a-pamangan.

Levitico 1:9

Luglugan na pa mu ning miyayain ing laman lub at ding bitis ning animal bayu ibili king altar. Ing pari ya ing duluk kabilugan kaniting ain king altar. Babie tula kanaku, ing Ginu, ing bau na niting ain-a-pamangan.

Levitico 2:9

Kuma yang kapirasu ing pari at dulukan ne iti king altar bilang tanda ning e pamangalinguan. Babie tula kanaku, ing Ginu, ing bau na niting ain-a-pamangan.

Levitico 8:13

Kaybat na nita, pepalapitan na lang Moises ding anak nang lalaking Aaron at pepasuluran na lang barung ating makaba takde; bebat na la ding paha karing awakan da at saka na la binili ding malating kupia karing buntuk da, agpang king inutus na ning Ginu.

Levitico 8:9

Timpak nia naman ing turban king buntuk na at king kanuan na ing gintung lamina, ing banal a tanda ning ordinasyun na, agpang king inutus na ning Ginu.

Efeso 5:2

Mibiebie kayung mitmung lugud antimo i Cristo; uli na ning kaluguran na katamu, inain na ing bie na bilang mabanglung ain at sakripisyung makaligaya king Dios.