Levitico 8:2 - Ing Mayap a Balita Biblia

² Ituki me i Aaron at ding anak nang lalaki karin king pasbul ning Toldang tuknangan ku. Idala mu ing imalan-pari, ing larung paglania, ing biserung toro para king ain-a-kapamayaran-king-kasalanan, ding aduang lalaking tupa, at ing basket a maki tinape alang lebadura.

Levitico 8:2 Iomraidhean Croise

Exodo 28:1

Payaus me ing kapatad mung i Aaron at ding anak nang lalaki, i Nadab, Abihu, i Eleazar, at i Itamar. Ikalilua mu la karing memalen na ning Israel ban sumuyu la kanaku bilang pari.

Exodo 28:40

Pagawa ka namang kamisa, paha, at turban para karing anak nang Aaron ban mika dangal la at masanting lalawan.

Exodo 39:41

ing mangasanting a imalan a isulud da ring pari king pamaniuyu da kilub ning Banal a Lugal, ding sagradung imalan para kang Aaron a pari at para karing anak nang lalaki.

Levitico 6:10

Kaybat na nita, isulud ne ning pari ing barung makabang linen ampon salol a linen at saka na ilako ing abu. Ibili na iti king lele na ning altar.

Levitico 8:1

Ngana ning Ginu kang Moises,

Levitico 8:10

Inyang merapat na ing sablang iti, kinua neng Moises ing larung paglania at saka ne pisikan kaniti ing Toldang tuknangan ning Ginu ampon ing sablang atyu karin. King anti kaniting paralan na telaga ing sabla-sabla para king Ginu.

Levitico 8:18

Kaybat na nita, kinua neng Moises ing lalaking tupa para king ain-a-durulukan. Timpak na la ring gamat nang Aaron at ding anak nang lalaki king buntuk na ning lalaking tupa.

Levitico 8:22

Kaybat na nita, kinua neng Moises ing kaduang lalaking tupa a makatalaga para king ordinasyun da ring pari. Timpak na la ring gamat nang Aaron at ding anak nang lalaki king buntuk na ning tupa.

Levitico 8:3

Tipunan mu la karin ding memalen ning Israel.

Hebreo 7:27

E re kalupa ding aliwang pekapun ding pari; e na kailangan Jesus ing miyain yang ain-sakripisyu king balang aldo para king sarili nang kasalanan at kaybat para karing kasalanan da ring tau. Miyain yang metung mung ain-sakripisyu, misan mu at para king kapilan pa man, kanitang binie na ing sarili na.