Levitico 8:13 - Ing Mayap a Balita Biblia

¹³ Kaybat na nita, pepalapitan na lang Moises ding anak nang lalaking Aaron at pepasuluran na lang barung ating makaba takde; bebat na la ding paha karing awakan da at saka na la binili ding malating kupia karing buntuk da, agpang king inutus na ning Ginu.

Levitico 8:13 Iomraidhean Croise

Ding Dalit 132:9

Ding kekang pari ing matulid ya sanang karelang gawan; kekang memalen king tula kulisak la sana!

Exodo 40:13

Kaybat, piblasan me i Aaron karing imalan para pari; lanian me at king anti kanitang paralan italaga me ban asuyuan na ku bilang pari.

Exodo 40:16

Tiparan na ngan Moises ing sablang inutus na ning Ginu.

Isaias 61:10

Magsaya ya ing Jerusalem uli ning depat ning Ginu. Mengari ya king dalagang makaimalan pangkasal. Pibablas ne ning Ginu king tagumpe at kaligtasan!

Isaias 61:6

Makilala kayung pari ning Ginu, talasuyu ning Dios tamu. Tamasan yu ing pibandian da ring bansa, at ipagmaragul yu king iti kekong bandi.

Ezekiel 42:14

Potang linub la king lugal a iti e la malyaring lumual king patyu a e menaliling imalan. Lakuan da kareting kuartu ing sinulud dang imalan king pamaniuyu king Ginu. Aliwa ya ing isulud dang imalan neng makiabe la kareng tau.

Levitico 10:5

Linapit la at telan da la baru ding bangke; binwat da la at linual king kampu, antimo ing inutus nang Moises karela.

Levitico 8:21

At kaybat nang meluglug ning laman lub at ding bitis, dilukan neng Moises ing kabilugan a lalaking tupa. Iting ain-a-durulukan metung yang ain-a-pamangan; babie tula kanaku, ing Ginu, ing bau na niti.

1 Pedro 2:5

Lumapit kayu king Ginu ban ikayu man, bilang mabie batu, bilugan ye ing metung a pibalebale espiritual anting banal a pari a miyain ain-sakripisyung espiritual a katanggap-tanggap king Dios king kapamilatan nang Jesu-Cristo.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.

Kapahayagan 1:6

at gewa na katamung kayarian ding pari ban sumuyu king Dios na at Ibpa. Kang Jesu-Cristo ing ligaya at upaya angga king kapilan pa man! Amen.

Kapahayagan 5:10

Gewa mong metung a kayarian ding pari para sumuyu king kekatamung Dios, at ilang mag-ari king yatu.