Levitico 8:12 - Ing Mayap a Balita Biblia

¹² Inordinan ne i Aaron king kapamilatan na ning pamitugtug ditak a larung paglania king buntuk na.

Levitico 8:12 Iomraidhean Croise

Ding Dalit 133:2

Mengari king larung mabanglu king buntuk mitugtug, at managlus karing balbas at talab ning baru nang Aaron.

Exodo 28:41

Ipasulud mu la deting imalan kang Aaron a kapatad mu at karing anak nang lalaki. Kaybat, ordinan mu la at italaga king kapamilatan na ning pamitugtug mung larung olibo karela ban kanita makasuyu la kanaku bilang pari.

Exodo 29:7

Kaybat, kuanan mu ing larung paglania at itugtug mu iti king buntuk na at lanian me.

Exodo 30:30

Kaybat lanian mia naman kaniti i Aaron at ding anak nang lalaki, at italaga mu la bilang pari a sumuyu kanaku.

Levitico 10:7

E kayu mamako king tulid na ning pasbul ning Tolda pota mate kayu, uling mitalaga na kayu king kapamilatan na ning larung paglania na ning Ginu. Inya e la meko karin, antimo ing inutus nang Moises karela.

Levitico 4:3

Nung ing mikasala ya ing Pamuntuk da ring Pari at uli na niti midame la ding tau king pamikasala na, sukat yang miyain biserung toro a alang dipektu, at iyain ne iti kanaku, ing Ginu, para king kasalanan na.

Levitico 7:36

King aldong ita inutus ku karing memalen na ning Israel king ibie re karing pari ing anti kaniting dake ning ain. Iti metung yang tuntunan a sukat dang tuparan king kapilan pa man.

Levitico 8:30

Kinangwa yang ditak king larung paglania i Moises ampon ditak ketang daya a atyu king altar, at pisikan ne kaniti i Aaron ampon ding anak nang lalaki. Pisikan na naman itang susulud dang imalan. King makanyan a paralan na la telaga at pati na ing susulud dang imalan.