Levitico 7:7 - Ing Mayap a Balita Biblia

⁷ Ating metung a tuntunan tungkul karing ain-a-kapamayaran-king-kasalanan at king ain-a-kapaglarinan-king-kasalanan. Mangaintulid ing karni king paring mangasiwa.

Levitico 7:7 Iomraidhean Croise

2 Ari 12:16

E da la bildug king baul ding ain tungkul king pamanatbus at ding ain-para-king-pangapatawaran-ning-kasalanan uling mangaintulid la karing pari.

2 Ari 12:17

King panaun a ita lisuban ne at sinakup ning Aring Hazael ning Siria ing Gat at kaybat ing Jerusalem naman.

Levitico 14:13

Paten ne kanita ing biserung tupa king banal a lugal nung nu ra la papaten ding animal a miyayain para king ain-a-kapamayaran-king-kasalanan ampon ding para karing ain-a-durulukan. Daptan na iti uling ing ain-a-kapaglarinan-king-kasalanan anti ya king ain-a-kapamayaran-king-kasalanan, mangaintulid ya king pari. Iti metung a bage sagradu.

Levitico 2:10

Mangaintulid king paring i Aaron at karing anak na ing mitagan king ain. Iti sagradu uling dake na ning ain a miyain kanaku, ing Ginu.

Levitico 2:3

Mangaintulid karing pari ing mitagan king ain-a-binutil. Iti sagradu uling dake na ning ain a miyain kanaku, ing Ginu.

Levitico 6:17

Gawan dang tinape alang lebadura at kanan da iti king metung a lugal a banal; kilub na ning patyu ning Tolda. Binie ku na, ing Ginu, iti karing pari bilang dake ra karing ain-a-pamangan. Iti tune banal; kalupa re ding ain-a-kapamayaran-king-kasalanan at ding ain-a-kapaglarinan-king-kasalanan.

Levitico 7:8

Mangaintulid munaman ing balat ning animal a miyayain king pari a miyayain kaniti.

Ding Bilang 5:8

Nung mete ne ing diptananan nang e ustu at ala yang bitasang kamaganak, kanita ibie la ring bayad kanaku, ing Ginu, king kapamilatan na ning pari. Karagdagan ya iting bayad king lalaking tupa a ibie na ning mikasala para king pangapatawaran na ning depat nang e ustu.

1 Corinto 10:18

Lawan yu la ding memalen ning Israel: detang mamangan ketang miyain a sakripisyu darake la king altar ning kasuyuan king Dios.

1 Corinto 9:13

E yu wari balu king ding taung susuyu king Templo kakuanan da ing pamangan da king Templo, at detang miyayain karing ain-sakripisyu king altar, atin lang dake kareting yayain da?