Levitico 7:6 - Ing Mayap a Balita Biblia

⁶ Malyari yang mangan king mitagan ing ninuman karing lalaking miembru da ring pamilyang pari, pero sukat kanan iti king lugal a banal, uling iti banal.

Levitico 7:6 Iomraidhean Croise

Ezekiel 42:13

Ngana kanaku niting lalaki, Parehu lang sagradu deting gusali. Keti da la kakanan ding pari a lulub king arap ning Ginu ding sagradung dake ra king ain. Keti da la naman darala ding pari ding sagradung ain antimo ding ain-a-kapamayaran-king-kasalanan o ain-a-kapaglarinan-king-kasalanan.

Levitico 2:3

Mangaintulid karing pari ing mitagan king ain-a-binutil. Iti sagradu uling dake na ning ain a miyain kanaku, ing Ginu.

Levitico 21:22

Malyari yang mangan king kakanan a miyain kanaku, maging king sagradu o mas sagradung ain-a-pamangan.

Levitico 6:11

Kaybat na nita, manalili yang piblas ing pari, at idala na ing abu king lual na ning kampu; ketang lugal a malinis a mitalaga para kaniti.

Levitico 6:29

Malyari yang mangan kaniting ain ing ninumang lalaking miembru da ring pamilyang pari; iti metung a bage banal.

Levitico 7:5

Dulukan na ngan ning pari iti king altar bilang ain-a-pamangan para kanaku, ing Ginu. Iti metung yang ain-a-kapaglarinan-king-kasalanan.

Hageo 2:12

O nu mong ing metung a tau kuma yang kapirasu king karning mibie bilang ain-sakripisyu at ipamulsa na iti. Kaybat na nita, paburen neng mitagkil ing susulud nang imalan king nanumang tinape, king pamangan, king alak, king larung olibo o nanu pa mang pamangan, ita kayang pamangan a ita maging sagradu ya naman? Inyang miyapag ya iting kutang karing pari, ing pakibat da: Ali ya.

1 Corinto 10:18

Lawan yu la ding memalen ning Israel: detang mamangan ketang miyain a sakripisyu darake la king altar ning kasuyuan king Dios.

1 Corinto 9:13

E yu wari balu king ding taung susuyu king Templo kakuanan da ing pamangan da king Templo, at detang miyayain karing ain-sakripisyu king altar, atin lang dake kareting yayain da?