Levitico 7:25 - Ing Mayap a Balita Biblia

²⁵ Inya ing ninumang mangan king taba na ning animal a miyain kanaku, ing Ginu, anting ain-a-pamangan itiwalag ya king balen ku, ing Dios.

Levitico 7:25 Iomraidhean Croise

Genesis 17:14

Nung ating lalaking e mesirkunsisyun, itiwalag ya king katipunan yu uli na ning lebagan ne ing kasunduan.

Exodo 29:25

Kaybat kuanan mung pasibayu karela, at dulukan mu king altar, babo ning dilukan a ain, bilang ain-a-kakanan a makatalaga kanaku. Ing bau na niting ain babie tula kanaku.

Levitico 3:17

Alang Israelita a malyaring mangan taba o daya; iti metung yang tuntunan a sukat matupad king kapilan pa man at nukarin la man manuknangan.

Levitico 7:20

oneng ing ninumang e malinis a mangan kaniti, mitiwalag ya king balen ku, ing Dios.

Levitico 7:21

Antimu rin, ing ninumang mekatagkil king marinat a tau o animal o nanumang bage makasumami, at kaybat mangan ya kaniting karni, mitiwalag ya king balen ku, ing Dios.

Levitico 7:24

Ing taba ning animal a mete na kabud o kaya piglapak na ning kalupa nang animal malyari yang gamitan king nanumang pamangailangan, oneng e ya malyaring kanan.

Levitico 7:26

Nu man karin, e la malyaring mangan ding Israelita king daya na ning ayup o ning animal.

Levitico 7:27

Itiwalag ya king balen ku ing ninumang mangan king isanu pa mang daya.