Levitico 7:16 - Ing Mayap a Balita Biblia

¹⁶ Nung miyain yang ain-ning-pamisulusulu bilang pamanupad king panata na o kaya ain yang kusa nang babie, e ya sukat pakigisanan ing anti kaniting ain itang aldo miyain ya, pero malyari yang kanan ing mitagan itang kabukasan.

Levitico 7:16 Iomraidhean Croise

Ding Dalit 116:14

King katipunan ding memalen na ding pangaku ku king Ginu kaku lang tuparan.

Ding Dalit 116:18

Ding kakung pangaku king Ginu kaku lang tuparan; king katipunan ding kekang memalen,

Ding Dalit 66:13

King bale mu lungub ku ban ain ibie ku, at tuparan ing kakung pengaku,

Exodo 35:29

Inatad da ring sablang memalen na ning Israel a maki pusung maganaka ing babie da king Ginu para king obrang pagawa na kang Moises.

Ding Kasebian 7:14

Kaybat-ibat ku pa mung miyain ain ngening aldong iti at darala kung minuli ing karning ibat karing ain-sakripisyu.

Ezekiel 46:12

Neng magdala yang kusang-lub a ain ing prinsipi para king Ginu, durulukan yang kabilugan o ain-ning-pamisulusulu, ibuklat ya para dalanan na itang pasbul dalan dane aslagan a papunta king patyung atyu kilub. Iyain na ing ain na nung makananu yang miyayain neng Aldo ning Sabbath. Kaybat nang linual, isara ya ing pasbul dalan.

Levitico 22:23

Malyari yang iyampang bilang ain a kusang lub ing toro o tupa a gutut o e timbang a katawan, oneng ing anti kaniti e ya karapatdapat bilang ain a pamanupad king metung a panata.

Levitico 22:29

Tukian yu la ding tuntunan potang miyayain kayung ain-a-kapasalamatan ban maging karapatdapat kayu.

Levitico 23:38

Makayaliwa la deting aldo karing karaniwan a Aldo ning Sabbath at makayaliwa la ring ain karetang karaniwan yung ain, karing ain a pamanupad yu karing kekayung panata at karing ain a kusa yung babie kanaku, ing Ginu.)

Nahum 1:15

Lawan yu, daratang ya ing tubud babo da ring bunduk; magdala yang mayap a balita! Daratang ne ban ibalita na ing tagumpe! Memalen ning Juda, pagselebran yu la ding kekayung piesta at tuparan ing pangakung penata yu king Dios. E na la lumusub pasibayu king bansa yu ding taung e mayap. Lubus na lang mawala!

Ding Bilang 15:3

munie kayung ain kanaku. Miyain kayung ain-a-durulukan a ibat karing sese yung animal o ain-sakripisyu o ain a sarili yung kusa o ain neng piesta bilang pamanupad king panatang gewa yu. Babie tula kanaku, ing Ginu, ing bau da reting ain.

Deuteronomio 12:11

Kanita mamili yang metung a lugal ing Ginung kekayung Dios nung nukarin ye malyaring samban. Karin yu idala ing sablang inutus kung idala yu: ding ain-a-durulukan at ding miyayaliwang ain-sakripisyu; ding kekayung sikapulu, ding kekayung ain, at ding aliwa pang ain a penata yung ibie king Ginu.

Deuteronomio 12:17

E yu la malyaring kanan karing kekayung lugal ding sikapulu karing kekayung pupul o ing alak at larung olibo o ding pangane karing sese yung animal o ding ain a penata yu o ding kusa yung ain o nanumang ain.

Deuteronomio 12:26

Oneng ding ain a banal at ding ain a pengaku yung iyain king Ginu, sukat lang idala ketang lugal a pilinan na.

Deuteronomio 12:6

Karin yu idala ing ain-a-durulukan, ding ain-sakripisyu, at ding miyayaliwa pang ain antimo ding sikapulu, ing laus lub a ain, at ing pangane anak da ring sese yung animal.