Levitico 7:12 - Ing Mayap a Balita Biblia

¹² Nung gampanan ne ning ninuman ing anti kaniting kasuyuan bilang ain-a-kapasalamatan, iyabe na la ding tinape alang lebadura king animal a miyain. Malyari lang makapal deting tinape a megawa king arina at tabang olibo o kiskasanan king taba o kaya megawa king mapinung arina a semutanan king tabang olibo.

Levitico 7:12 Iomraidhean Croise

2 Cronica 29:31

Nganang Aring Hezekia karing tau, Anti na ning aitalaga yu na ing kekayung sarili king Ginu, munta ko keni ngeni at iyain ding ain yung kapasalamatan king Ginu. Inya linapit la ding sablang sasamba kayabe ding karelang ain-a-kapasalamatan at ain-a-durulukan, at kusang lub dang inain.

2 Cronica 33:16

Pepalarin ne ing altar ning Ginu at miyain yang ain-ning-pamisulusulu at ain-a-kapasalamatan. Sinabi na karing memalen na ning Juda king sumuyu la king Ginu, ing Dios ning Israel.

Nehemias 12:43

King aldong ita, dakal ing miyabie ain-sakripisyu at tune lang masaya ding tau, uling peligayan na la ning Dios. Kayabe la ding babai at anak kaniting kasayahan. Ing inge ning kasayahan da meramdam angga karing mangarayung lugal.

Ding Dalit 107:8

Uli ning alang kupas a lugud na, ing Ginu kailangan deng pasalamatan, alang-alang karing milagrung depat na para karela ngan!

Ding Dalit 116:17

Keka kakung ibie ing ain-ning- kapasalamatan, at ampanganan king kakung panalangin.

Ding Dalit 50:23

Ing ninumang miyayain ain-a-kapasalamatan aku ing parangalan na; ing ninumang mabibieng makatuliran kaku tanggap yang kaligtasan.

Jeremias 33:11

ing kulisakan ning ligaya at tula ampon ding masayang inge da ring kakasal. Damdaman yu la ding taung magkanta kabang darala da la ring ain dang kapasalamatan king kakung Templo. Sabian da, Munie kayung kapasalamatan king Ginung Mayupaya, uling mayap ya, at ing lugud na alang angga. Gawan keng mapala iting bansa anti kanitang minunang panaun. Aku, ing Ginu, ing migsalita.

Hosea 14:2

Mibalik na kayu at sabian ye king Ginu iting panalangin: Patawaran mu sana ing sabla ming kasalanan; tanggapan mu sana ing panalangin mi at samban da ka antimo ing pengaku mi.

Levitico 2:4

Nung ing yayain tinape yang melutu king ornu, sukat ing ala yang sangkap a lebadura. Malyaring tinape lang makapal a megawa king arinang semutanan larung olibo o kaya tinape lang maimpis a kiskasanan larung olibo.

Levitico 2:5

Nung ing yayain tinape yang melutu king sala-salang bakal, sukat ing megawa ya king mapinung arinang semutanan larung olibo, oneng ala yang lebadura.

Levitico 22:29

Tukian yu la ding tuntunan potang miyayain kayung ain-a-kapasalamatan ban maging karapatdapat kayu.

Levitico 6:16

Mangaintulid karing pari ing mitagan king ain.

Levitico 7:15

Sukat mapangan ing karni na ning animal king aldo mu rin a miyain ya; ala sanang mitatagan angga king kabukasan abak.

Amos 4:5

Sulung, iyain yu la ding kekong tinape ating lebadura bilang kekong ain-a-kapasalamatan king Dios at pagparangalan yu la ding aliwa yu pang ain! Uling iti ing bage a tutu yung kapad daraptan.

Ding Bilang 6:15

Miyain ya namang metung a basket a tinape alang lebadura: makapal a tinape melutu king mapinung arina a semutanan laru at maimpis a tinape alang lebadura a kiskasanan king larung olibo. Magdala ya namang ain-a-binutil at inuman.

Lucas 17:16

Migsakab ya arap nang Jesus at pepasalamat ya keya. Samaritano ya ing taung iti.

Lucas 17:18

Ala waring migbalik at minie kapurian king Dios subali mu kaniting dayuan?

Roma 1:21

Balu re ing Dios, oneng e ra babie itang kagalangan a mangaintulid king Dios at e re pasalamatan. Nune meging alang kabaldugan ing karelang pamagmatulid at meralumdum la ding kaisipan dang e makaintindi.

Efeso 5:20

At parati ye sanang pasalamatan ing Dios Ibpa, uli da ring sablang bage, king lagyu na ning Ginu tamung Jesu-Cristo.

Hebreo 13:15

Inya king kapamilatan nang Jesus, miyain tamung alang anggang ain-sakripisyu ning kapurian king Dios. Ngana wari, pasalamat tamung alang patad king lagyu na king kapamilatan da ring amanung sasabian tamu.

1 Pedro 2:5

Lumapit kayu king Ginu ban ikayu man, bilang mabie batu, bilugan ye ing metung a pibalebale espiritual anting banal a pari a miyain ain-sakripisyung espiritual a katanggap-tanggap king Dios king kapamilatan nang Jesu-Cristo.