Levitico 7:11 - Ing Mayap a Balita Biblia

¹¹ Ila naman deti ring tuntunan tungkul karing ain-ning-pamisulusulu a miyain para kanaku, ing Ginu.

Levitico 7:11 Iomraidhean Croise

2 Cronica 29:31

Nganang Aring Hezekia karing tau, Anti na ning aitalaga yu na ing kekayung sarili king Ginu, munta ko keni ngeni at iyain ding ain yung kapasalamatan king Ginu. Inya linapit la ding sablang sasamba kayabe ding karelang ain-a-kapasalamatan at ain-a-durulukan, at kusang lub dang inain.

2 Cronica 33:16

Pepalarin ne ing altar ning Ginu at miyain yang ain-ning-pamisulusulu at ain-a-kapasalamatan. Sinabi na karing memalen na ning Juda king sumuyu la king Ginu, ing Dios ning Israel.

Ding Kasebian 7:14

Kaybat-ibat ku pa mung miyain ain ngening aldong iti at darala kung minuli ing karning ibat karing ain-sakripisyu.

Ezekiel 45:15

Metung a tupa ing iyain karing balang aduang dalan a tupang papastulan karing marangle ning Israel. Gamitan la deting tupa bilang ain-a-pamangan, ain-a-durulukan, at ain-ning-pamisulusulu ban mipatawaran ing kasalanan yu. Aku, ing Ginung Dios, ing mumutus kaniti.

Levitico 19:6

Kanan yu ing karni na ning animal a yayain yu king aldo mu rin a inain ye o itang kabukasan. Silaban yu itang mitagan.

Levitico 22:29

Tukian yu la ding tuntunan potang miyayain kayung ain-a-kapasalamatan ban maging karapatdapat kayu.

Levitico 7:10

Pero ing balang trigung e lutu, ating samut a taba o ala, mangaintulid ngan karing paring anak nang Aaron at sukat pirarakayan para king metung at metung.

Levitico 7:29

para karing memalen na ning Israel. Ngana, Ing ninumang miyain a ain-ning-pamisulusulu sukat neng iyain ing metung a dake bilang metung a makapasubaling regalu kanaku, ing Ginu.

Amos 5:22

E ku la pakundanganan ding kekong ain-a-durulukan at ain-a-pamangan. At e ku la tanggapan ding pepataba yung animal a darala yung anting ain-ning-pamisulusulu.

Ding Bilang 7:23

Minain ya namang aduang baka, limang lalaking tupa, limang lalaking kambing, at limang lalaking tupa a pabanua tua bilang ain-ning-pamisulusulu. Ila deti ring inain nang Netanel a anak nang Zuar.