Levitico 6:6 - Ing Mayap a Balita Biblia

⁶ Kailangan ya namang miyain metung karing sese nang lalaking tupa o lalaking kambing a alang dipektu. Idala ne iti king pari bilang kapamayaran kanaku, ing Ginu. Makayagpang ya ing alaga na ning animal king timbangan ning santuaryu.

Levitico 6:6 Iomraidhean Croise

Ezra 10:19

Pengaku ra king kawanian da la ring karelang asawa at miyain lang metung a lalaking tupa bilang ain-a-kapamayaran-king-kasalanan da.

Nehemias 10:35

Idala mi balang banua king Bale ning Ginu ing mumunang pupul ning asikan at bungang tanaman.

Ezekiel 40:46

at ita namang kuartung makayarap king dane norti para kareta yang pari a manibala king altar. Lahi na lang Zadok ding sablang pari. Ila mung bukud karing lahi nang Levi a mipaintulutan makalapit king arapan na ning Ginu ban sumuyu.

Levitico 14:12

Kuanan ne ning pari ing metung karing biserung lalaking tupa at ing kapitnang litrung larung olibo iyain ne king Ginu bilang ain-a-kapaglarinan-king-kasalanan.

Levitico 5:15

Nung ating mikasala king e na sasarian a antimo ing e na pamamie ketang bage sagradu a mangaintulid kanaku, ing Ginu, sukat yang magdalang metung a lalaking tupa o lalaking kambing a alang dipektu bilang ain-a-kapaglarinan-king-kasalanan kanaku. Makayagpang ing alaga na ning animal king timbangan ning santuaryu.

Levitico 5:18

Kailangan ing idala ne king pari ing metung a lalaking tupa o lalaking kambing a alang dipektu. Makayagpang ya ing alaga na ning animal king timbangan ning santuaryu. Iyain ne iti ning pari para king pangapatawaran na ning kasalanan na ning mikasala, at mipatawaran ya.

Levitico 5:7

Nung e ne agyung iyain ning ninuman ing metung a tupa o kambing, miyain yang aduang pitsun kanaku, ing Ginu, o kaya aduang batu-batu bilang kapamayaran king depat nang kasalanan. Miyain ya ing metung karing ain-a-kapamayaran-king-kasalanan at ing metung bilang ain-a-durulukan.