Levitico 6:2 - Ing Mayap a Balita Biblia

² Mikasala ya ing ninuman nung ilingad ne ing bage a penilas da keya o e tinupad king kasunduan o menako ya o kaya migsamantala ya king kalupa nang tau

Levitico 6:2 Iomraidhean Croise

Genesis 26:7

Neng kukutnan de tungkul king asawa na, ing pakibat na: Kapatad ke! Tatakut nang sabian king asawa ne pota paten de ring tau karin uling malagu ya i Rebeca.

Ding Dalit 51:4

Mikasala ku laban keka; bukud mung keka ku mikasala. Depat ku itang e mayap king arapan mu, inya matulid ing atulan mu ku. Makatuliran ing parusan mu ku.

Ding Kasebian 24:28

E ka magtestigu laban king kalupa mung tau, nung ala kang matulid a sangkan o magsalitang ating pamaglinlang.

Isaias 21:2

Menakit kung metung a vision tungkul karing bage mangapalyaring mitmung bigsikan; metung yang tagimpan ning kataksilan at kasiran. Sundalus ning Elam, lumusub ka! Sundalus ning Media, kubkuban mu na la ding siudad! Dinan na nang kawakasan ning Dios ing sablang kasakitan a pepasari na ning Babilonia.

Isaias 24:16

At karing pekamarayung lugal ning yatu makaramdam tamung kanta bilang kapurian king Israel, ing makatuliran a bansa. Oneng alang kapanayan para kanaku! Mayayayat ku! Isusundu da ring taksil ing pamanganiaya ra kanaku at daragul ing karelang kataksilan.

Isaias 33:1

Makalunus la ding kekaming kalaban! Menako la at migtaksil, agyang e la kepanakawanan o mipagtaksilan. Oneng miyangganan ing panaun na ning karelang pamanako at pamagtaksil uling maging biktima na la naman ning pamanako at kataksilan.

Jeremias 9:5

Ila ngan karela lang lilinlangan ding karelang kakaluguran, at metung man alang magsalitang katutuan; sinane da lang dila ra king pamaglaram, at e la bisang tuknang darapat kasalanan.

Ezekiel 40:46

at ita namang kuartung makayarap king dane norti para kareta yang pari a manibala king altar. Lahi na lang Zadok ding sablang pari. Ila mung bukud karing lahi nang Levi a mipaintulutan makalapit king arapan na ning Ginu ban sumuyu.

Levitico 1:3

Malyari yang kumang metung karing baka na a alang dipektu neng miyayain yang ain-a-durulukan ing ninuman kekayu. Idala ne iti king tulid na ning pasbul ning Toldang tuknangan ku ban maging karapatdapat ya kanaku.

Levitico 19:11

E kayu manako o mamirait o maglaram.

Levitico 5:15

Nung ating mikasala king e na sasarian a antimo ing e na pamamie ketang bage sagradu a mangaintulid kanaku, ing Ginu, sukat yang magdalang metung a lalaking tupa o lalaking kambing a alang dipektu bilang ain-a-kapaglarinan-king-kasalanan kanaku. Makayagpang ing alaga na ning animal king timbangan ning santuaryu.

Levitico 5:19

Ing ain a iti para king kasalanan ya, uling mikasala ya kanaku, ing Ginu.

Levitico 6:1

Ngana pa ning Ginu kang Moises,

Amos 8:5

Ikayu mismu sasabian yu king sarili yu, Milabas na la sana deting aldo pangilinan ban apisali ta na ing kekatamung binutil. Obat e ya pa mapupus ing Aldo ning Sabbath ban makapagtinda na keng pasibayu? Kanita itas mi na ing alaga at agamit mi na lang pasibayu ding paniukad at timbangan a e ustu ban apamiraitnan mi la ding maniali kekami.

Habakuk 1:13

Makananu mu lang apibata deting taung traidul at e mayap? Tutu lang banal ding kekang mata para lumawe ka king e mayap at e mu la apibatang akakit ding taung darapat e mayap. Baket e ka bubulad kabang pamaten da la ring taung mas mayap kesa karela?

Juan 8:44

Ing diablo ya ing tata yu at ing buri nang tata yu ya ing buri yung daptan. Makamate ya manibat na king minuna at kalaban ne ning katutuan uling alang katutuan keya. Neng maglaram ya ing diablo, magsalita ya agpang king sarili nang katutubu, uling malaram ya at ya ing tata na ning kalaraman.

Ding Dapat 5:4

Bayu mu pemisali, e wari bandi mung tune at kaybat mung apisali, ding ayabli mu e la wari keka la mu ren? Obat aisip mu pang dinapat king anti kanyan? Aliwa ding tau ding kekang paglingaran nune ing Dios mismu!

Efeso 4:25

Uli na niti, e na kayu maglaram! Kailangan yang magsalitang katutuan ing balang metung king kalupa nang talasalpantaya, uling itamu ngan dake na katamu ning metung mung katawan, ing Cristo.

Colosas 3:9

E kayu maglaram king metung at metung uling likas yu na ing matuang pangatau at ing sabla nang e mayap a ugali

Kapahayagan 22:15

Oneng malakuan la king lual na ning siudad ding sakim, ding mangkukulam, ding makipangalugud, ding makamate tau, ding sasambang dios-diosan, at ding maburi at magsalita king kalaraman.