Levitico 6:12 - Ing Mayap a Balita Biblia

¹² Sukat manatiling mitatau ing api king altar; tamban kabukas. Dagdagan na tangab ning pari balang abak; ayusan ne babo ning tangab ing ain-a-durulukan at dulukan na ing taba na ning ain-ning-pamisulusulu.

Levitico 6:12 Iomraidhean Croise

Nehemias 13:31

Binie ku ing dutung a panangab karing ain-a-durulukan king mitakdang oras, at ing kaayusan para karing ain tungkul karing mumunang pupul a binutil at prutas. E mu sana kakalinguan, O Dios ko, at kilalanan mu sa iting depat kung mayap.

Ezekiel 40:46

at ita namang kuartung makayarap king dane norti para kareta yang pari a manibala king altar. Lahi na lang Zadok ding sablang pari. Ila mung bukud karing lahi nang Levi a mipaintulutan makalapit king arapan na ning Ginu ban sumuyu.

Levitico 6:11

Kaybat na nita, manalili yang piblas ing pari, at idala na ing abu king lual na ning kampu; ketang lugal a malinis a mitalaga para kaniti.

Levitico 6:13

Sukat manatiling mitatau ing api king altar; e paburen matatda.

Levitico 6:9

Sabian mu la kang Aaron at karing anak nang lalaki deting tuntunan tungkul karing ain-a-durulukan. Sukat yang manatiling kabukas ing metung a ain-a-durulukan king altar a ating aping e matatda.

Levitico 9:24

Kabud-abud peparatang yang api ing Ginu, at silaban na ngan niting api ing ain-a-durulukan ampon ding miyayaliwang dake a maki taba a atyu king altar. Inyang ikit da iti mengapakulisak la at migsakab ding tau.

Hebreo 10:27

Ing bukud na mung makatagan ya ing mitakutan king mapalyari king aldo bukas: ing Pamanukum at ing mitataung api a mamuksa karing lalaban king Dios!