Levitico 6:11 - Ing Mayap a Balita Biblia

¹¹ Kaybat na nita, manalili yang piblas ing pari, at idala na ing abu king lual na ning kampu; ketang lugal a malinis a mitalaga para kaniti.

Levitico 6:11 Iomraidhean Croise

Exodo 29:37

Daptan mu iti balang aldo kilub ding pitung aldo. Kanita maging lubus yang banal ing altar, at ninuman o nanumang mitagkil kaniti manasakit ya king upaya na ning kabanalan na.

Ezekiel 44:19

Potang munta la king patyung atyu king kilual nung nu la karin ding tau, sukat dang ilukas ing imalan a ginamit da inyang sinuyu la kanaku king Templo at lakuan da iti king sagradung kuartu. Misulud lang aliwang imalan ban e la manasakit ding taung makatagkil karela.

Levitico 16:27

Ing toro at ing kambing a magamit para king ain-a-kapamayaran-king-kasalanan a dela ra daya kilub ning Kabanal-banalan a Lugal ban makalako king kasalanan sukat lang idala lual na ning kampu at dulukan la karin. Sukat ngan silaban ing balat, ing karni, at ing bituka.

Levitico 24:9

Mangaintulid la deting tinape, kaybat dang miyain, kang Aaron at karing anak na. Kanan da la reti king lugal a sagradu uling iti metung yang sagradung dake ning ain a mitalaga kanaku, ing Ginu, para karing pari. Tuntunan ya iti a sukat ipatupad king sablang panaun.

Levitico 4:12

Idala na ngan iti king lual na ning kampu ketang lugal a malinis para piyugsianan king abu, at karin na ngan silaban.

Levitico 4:21

Kaybat na nita, ilual ne king kampu ing toro, at karin ne dulukan antimo nung makananu neng dilukan ing torong miyain para king sarili nang kasalanan. Iti ya ing ain para king pangapatawaran na kasalanan ning kapulungan.

Levitico 6:10

Kaybat na nita, isulud ne ning pari ing barung makabang linen ampon salol a linen at saka na ilako ing abu. Ibili na iti king lele na ning altar.

Levitico 6:12

Sukat manatiling mitatau ing api king altar; tamban kabukas. Dagdagan na tangab ning pari balang abak; ayusan ne babo ning tangab ing ain-a-durulukan at dulukan na ing taba na ning ain-ning-pamisulusulu.

Levitico 6:20

Iti ya ing ain a idala na kanakung Aaron at anak nang lalaki king aldo na ning karelang ordinasyun: atlu at kapitnang litrung mapinung arina (anti ring karaniwan ain-a-binutil). Iyain neng abak ing kapitna kaniti at itang kapitna neng gatpanapun.

Levitico 6:22

Karing panaun a daratang, iting pamiyain sukat neng gampanan ning balang lahi nang Aaron a susuyu bilang Pamuntuk da ring Pari.

Levitico 7:6

Malyari yang mangan king mitagan ing ninuman karing lalaking miembru da ring pamilyang pari, pero sukat kanan iti king lugal a banal, uling iti banal.