Levitico 6:10 - Ing Mayap a Balita Biblia

¹⁰ Kaybat na nita, isulud ne ning pari ing barung makabang linen ampon salol a linen at saka na ilako ing abu. Ibili na iti king lele na ning altar.

Levitico 6:10 Iomraidhean Croise

Ding Dalit 20:3

Sablang ain mu tanggapan na la sana, at kekang ain-sakripisyu matula na sanang tanggapan.

Ding Dalit 37:20

Oneng mate la ding e mayap a tau; lumbug lang kalaban ning Ginu, malanat lang anti ding bulaklak, at matda anting asuk ning silab.

Ezekiel 44:19

Potang munta la king patyung atyu king kilual nung nu la karin ding tau, sukat dang ilukas ing imalan a ginamit da inyang sinuyu la kanaku king Templo at lakuan da iti king sagradung kuartu. Misulud lang aliwang imalan ban e la manasakit ding taung makatagkil karela.

Levitico 1:13

Luglugan na ning miyayain ing laman lub ampon ding bitis ning animal, at ing pari ya ing miyain kareti king Ginu at dulukan na ngan king altar. Babie tula kanaku, ing Ginu, ing bau na niting ain-a-pamangan.

Levitico 1:9

Luglugan na pa mu ning miyayain ing laman lub at ding bitis ning animal bayu ibili king altar. Ing pari ya ing duluk kabilugan kaniting ain king altar. Babie tula kanaku, ing Ginu, ing bau na niting ain-a-pamangan.

Levitico 16:4

Sukat ya pa mung mandilu i Aaron bayu ya lungub king Kabanal-banalan a Lugal, at kaybat isulud na la ring imalan-pari; ing barung linen a makaba takde ampon ding salol a makuyad, ing paha at ing linen a turban.

Levitico 2:11

E sukat misamutanan lebadura ing isanu pa man karing ain-a-binutil a yayain yu; e kayu misasamut lebadura ni pulut-panilan king yayain yu.

Levitico 21:22

Malyari yang mangan king kakanan a miyain kanaku, maging king sagradu o mas sagradung ain-a-pamangan.

Levitico 4:12

Idala na ngan iti king lual na ning kampu ketang lugal a malinis para piyugsianan king abu, at karin na ngan silaban.

Levitico 6:11

Kaybat na nita, manalili yang piblas ing pari, at idala na ing abu king lual na ning kampu; ketang lugal a malinis a mitalaga para kaniti.

Levitico 6:18

Malyari dang kanan king kapilan pa man ding sablang lalaki king lahi nang Aaron iting dake ra king pamangan a miyayain kanaku, ing Ginu. Manasakit ya ing ninumang tagkil king ain-a-pamangan, uli na ning kabanalan na niti.

Levitico 6:22

Karing panaun a daratang, iting pamiyain sukat neng gampanan ning balang lahi nang Aaron a susuyu bilang Pamuntuk da ring Pari.

Levitico 8:2

Ituki me i Aaron at ding anak nang lalaki karin king pasbul ning Toldang tuknangan ku. Idala mu ing imalan-pari, ing larung paglania, ing biserung toro para king ain-a-kapamayaran-king-kasalanan, ding aduang lalaking tupa, at ing basket a maki tinape alang lebadura.

Ding Bilang 16:21

Dumayu kayu kareng taung deti, uling paten ku na la ngeni mu rin.

Ding Bilang 16:35

Kaybat, pepauran ne mang api ing Ginu karing aduang dalan limang pulung lalaki at mesilab la ngan kabang duruluk lang insenso.

Kapahayagan 19:14

Tutukian de ring sundalus na ning banua a makaimalan malinis at maputing tela, at makasake la naman karing kabayung maputi.

Kapahayagan 19:8

Binie na na ning Dios king babaing kakasal na ing malinis at maputing imalan ban isulud na. (Ing imalan ya ing mayap dang dapat ding pinili na ning Dios.)

Kapahayagan 7:13

Nganang mengutang kanaku ning metung karing makatua, Ninu deting makaimalan maputi at nu la menibatan?