Levitico 5:7 - Ing Mayap a Balita Biblia

⁷ Nung e ne agyung iyain ning ninuman ing metung a tupa o kambing, miyain yang aduang pitsun kanaku, ing Ginu, o kaya aduang batu-batu bilang kapamayaran king depat nang kasalanan. Miyain ya ing metung karing ain-a-kapamayaran-king-kasalanan at ing metung bilang ain-a-durulukan.

Levitico 5:7 Iomraidhean Croise

Levitico 12:6

Potang meganap na ing pangalinis na para king anak nang lalaki o babai, sukat yang magdalang metung a biserung tupa a pabanua tua bilang ain-a-durulukan ampon metung a patipati o kaya metung a batu-batu bilang ain-a-kapamayaran-king-kasalanan. Idala na la deti king pari tulid ning pasbul ning Toldang tuknangan ku, ing Ginu.

Levitico 12:8

Nung e ne agyung iyain ing metung a biserung tupa, malyari yang magdalang kaparis a patipati o kaya kaparis a batu-batu; metung para king ain-a-durulukan at ing metung para king ain-a-kapamayaran-king-kasalanan. Gampanan ne ning pari ing seremonia na ning pangapatawaran a makalako king panga-dinatan na ning babaing ibat menganak. Kaybat na nita, maging malinis ne.

Levitico 14:30

Kaybat, iyain ne ing metung karing pitsun a patipati o batu-batu

Levitico 14:31

bilang ain-a-kapamayaran-king-kasalanan, at ing metung naman bilang ain-a-durulukan pati na ing ain-a-binutil. Iti ya ing seremoniang daptan na ning pari para linisan ya ing taung mika sakit.

Levitico 15:30

Iyain ne ning pari ing metung kareti bilang ain-a-kapamayaran-king-kasalanan at ing metung bilang ain-a-durulukan. King anti kaniting seremonia ne linisan ning pari ing babai king arapan ku, ing Ginu.

Levitico 16:5

Dinan ne ning balen Israel aduang kambing a lalaki i Aaron bilang ain-a-kapamayaran-king-kasalanan at metung a lalaking tupa bilang ain-a-durulukan.

Levitico 27:8

Nung menata ya ing ninuman at ala yang panatbus uli na ning kakaluluan na, idala ya ing taung ita king pari, at ing pari ya ing bala nung magkanu ing agyu nang ipanatbus ning taung dela ra.

Levitico 5:11

Nung e na la pa mu rin agyung iyain ning ninuman ding aduang pitsun o ding aduang batu-batu, sukat yang magdalang atlu ampon kapitnang litrung mapinung arina bilang ain-a-kapamayaran-king-kasalanan. E na sasamutanan larung olibo o insenso, uling iti metung yang ain-a-kapamayaran-king-kasalanan.

Levitico 7:1

Ila naman deti ring tuntunan tungkul karing ain-a-kapaglarinan-king-kasalanan a tune banal.

Levitico 9:3

Sabian mu munaman karing memalen na ning Israel ing magdala lang lalaking kambing a iyain da bilang ain-a-kapamayaran-king-kasalanan. Magdala la namang baka a pabanua tua at tupa a pabanua munaman a tua. Kailangan king deti ala lang dipektu para king ain-a-durulukan.

Ding Bilang 5:6

Sabian mu iti karing memalen na ning Israel, Ing ninuman, lalaki ya man o babai, ing gawang e ustu king kalupa nang tau, e ya meging tapat kanaku, ing Ginu.

Ding Bilang 6:10

King kawalung aldo magdala yang aduang ayup a batu-batu o aduang pitsun king pari karin king pasbul ning Toldang tuknangan ku, ing Ginu.

Ding Bilang 6:11

Iyain ne ning pari ing metung kareti bilang ain-a-kapamayaran-king-kasalanan, at ing kadua bilang ain-a-durulukan at bilang panlinis uli na ning mitagkil ya king mete. Italaga nang pasibayu ing buak na king aldo mu ring ita

Mateo 10:16

Tandanan yu! Tutubud da kayu antimong tupa libutad da ring asung-gubat. Sukat kayung maging matalino antimo ding ubingan, at mamu lub antimo ding patipati.

Mateo 21:12

Tinaglus ya king Templo i Jesus at penabi na la ngan ding sablang mamisali at maniali karin; penuag na la ding lamesa da ring maglibe salapi at ding luklukan da ring mamisaling patipati.

Mateo 3:16

Kabinyag nang Jesus, agad yang sinaka king danum at mibuklat ya ing banua. Ikit ne ing Espiritu ning Dios at kukuldas yang balamu metung a patipati at tinuklu ya keya.

Lucas 2:24

At minta la naman karin ban miyain ain-sakripisyu antimo ing yuyutus na ning kautusan ning Ginu: kaparis a batubatu o kaya aduang pitsun.

2 Corinto 8:12

Uling nung laus king lub yu ing pamamie, tanggapan na ning Dios ing kekayung kagiwan; e na panenayan ing munie kayu king e yu agyu.