Levitico 5:2 - Ing Mayap a Balita Biblia

² Nung ing ninuman mekatagkil yang nanumang bage a kikilalanan nang marinat ning kautusan a antimo ing bangke ning animal, midinatan ya at mikasala kabud akilala na ing depatan na.

Levitico 5:2 Iomraidhean Croise

Ding Dalit 19:12

Ninu mo ing makibalu king sabla nang pamagkulang ning tau? Inya karing kamalian a e ku balu patawaran mu ku.

Isaias 52:11

Lakuan yu ne ing Babilonia, ikong karing kasangkapan ning Templo magdala. Karing bawal a bage e kayu tatagin; ingatan yung malinis ing sarili yu at lakuan yu ne ing siudad.

Levitico 11:11

Ituring yu lang e malinis ding asan a anti kareti. E yu la kakanan o tatagkilan man pati na ding bangke ra.

Levitico 11:8

E yu kakanan ing karni da reting mesabing animal o tatagkilan man ding bangke ra, uling animal lang e malinis.

Levitico 4:13

Nung ing kabilugan a balen ning Israel ya ing mikasala at mekalabag ya king kautusan ku, ing Ginu, king e na sasarian,

Levitico 5:17

Nung mekalabag ya ing ninuman king e na sasarian karing kautusan ku, mikasala ya at kailangan nang bayaran ing depat nang pamikasala.

Levitico 5:3

Nung ing ninuman, king e na sasarian, mekatagkil yang bage marinat a ibat king tau, nanu ya pa man iti, mikasala ya kabud akilala na ing depatan na.

Levitico 5:4

Nung mipatalusad ya dila ing ninuman king pamangawang pangaku, e mayap o mayap tungkul king nanu pa mang bage, mikasala ya kabud akilala na ing depatan na.

Levitico 7:21

Antimu rin, ing ninumang mekatagkil king marinat a tau o animal o nanumang bage makasumami, at kaybat mangan ya kaniting karni, mitiwalag ya king balen ku, ing Dios.

Hageo 2:13

Kanita kitang nang Hageo, O nu mong mirinatan ya ing metung a lalaki uli na ning tigkilan ne ing metung a bangke, at kaybat tagkilan ne ing isanu man kareting mesabing pamangan, mirinatan la munaman deti? Ngarang mekibat ding pari, Wa.

Ding Bilang 19:22

Ituring yang e malinis ing nanumang tigkilan na ning taung e malinis, at ing ninumang tagkil karing tigkilan na manatili yang e malinis angga itang bengi.

Lucas 11:44

Makalunus na kayo! Uling mengari kayung kutkutan a alang tanda at daramusakan da ring tau king e ra balu.

2 Corinto 6:17

Inya ing Ginu sinabi na, Dumayu kayu karela, kawani kayu karela. E kayu tatagkil king nanumang marinat, at aku tanggapan da kayu.

Deuteronomio 14:8

E kayu mamangan babi agyang pang bangal ya kuku oneng e maglangut, uling marinat ya. E yu la kakanan deting mesabing animal o tatagkilan man ding bangke ra.