Levitico 5:16 - Ing Mayap a Balita Biblia

¹⁶ Sukat na namang bayaran itang alagang akalinguan nang beyaran, at sukat neng patunganan beinti por sientu ing mesabing alaga. Ibie na iti king pari, at iyain ne ning pari ing animal bilang ain-a-kapamayaran-king-kasalanan na, at mipatawaran ya.

Levitico 5:16 Iomraidhean Croise

Ding Dalit 69:4

Ding mua kaku agyang ala lang asangkan mas marakal la kesa king kakung buak. Ding kalaban kung malaram buri da kung paten, at tutu la ngan masikan. Pilit dang pasubli kaku ing pibandian a e ku naman penako.

Exodo 22:1

Nung menako yang baka o kaya tupa ing ninuman, at kaybat kinatat ne o kaya pisali neng mabie, sukat neng alilan limang baka ing bakang penako na; apat a tupa nung tupa ne man ing penako na.

Levitico 22:14

Nung ing ninuman a e miembru na ning pamilyang pari makapangan yang e na sasarian karing sagradung ain, bayaran na king pari at patungan na pang beinti por sientu ing pengan na.

Levitico 27:13

Nung buri neng atbusan ning menata, bayaran ne ing mesabing alaga, at patunganan neng beinti por sientu king mipasyang alaga.

Levitico 27:15

Nung buri neng atbusan ning mitalaga, bayaran na ing mesabing alaga, at patungananan ne pang beinti por sientu.

Levitico 27:27

Oneng malyari yang atbusan pasibayu ing pangane biseru na ning isanu mang animal a e malinis, agpang ketang alagang mimiral at patunganan ne pang beinti por sientu ing alagang ita. Nung e ya mayatbus, malyari yang ipisali king aliwang tau, agpang king mipairal a alaga.

Levitico 27:31

Nung buri nang atbusan ning ninuman ing kapulung dake, bayaran na ketang alagang mimiral at patunganan ne pang beinti por sientu.

Levitico 4:20

antimo ing depatan na king taba ning torong miyain para king pangapatawaran ning kasalanan. Daptan na ning pari iti ban mipatawaran la kasalanan ding tau, at mipatawaran no man.

Levitico 4:26

Kaybat na nita, kuanan na ing sablang taba at idala na king altar ban dulukan bilang ain-ning-pamisulusulu. Iti ing daptan na ning pari king kasalanan na ning pamuntuk ning kapulungan, at mipatawaran ya.

Levitico 5:10

Kaybat na nita, iyain ne ing kaduang ayup bilang ain-a-durulukan, agpang karing tuntunan. Makanyan neng iyain ning pari para king pangapatawaran na kasalanan ning mikasala, at mipatawaran ya.

Levitico 5:13

King anti kaniting paralan na iyain ning pari ing ain-a-kapamayaran-king-kasalanan ning mikasala, at mipatawaran ne man. Mangaintulid king pari ing mitagan king ain, antimo ing mararapat king pamiyain ain-a-binutil.

Levitico 5:6

Ban mipatawaran ya, sukat yang miyain kanaku, ing Ginu, metung a babaing tupa o kaya babaing kambing. Iyain ne iti ning pari para king pangapatawaran na ning mikasala.

Levitico 7:2

Ing animal a iyain para bayaran ing kasalanan sukat yang paten king dane nang norti ning altar nung nu ra la papaten ding animal para karing ain-a-durulukan. Sukat isabug ing daya king paligid ning altar.

Ding Bilang 5:7

Inya sukat nang kilalanan king mikasala ya at sukat yang mamayaran ganap king diptananan nang e ustu, at patubuan ne pang beinti por sientu.

Ding Bilang 5:8

Nung mete ne ing diptananan nang e ustu at ala yang bitasang kamaganak, kanita ibie la ring bayad kanaku, ing Ginu, king kapamilatan na ning pari. Karagdagan ya iting bayad king lalaking tupa a ibie na ning mikasala para king pangapatawaran na ning depat nang e ustu.

Lucas 19:8

Tinalakad ya i Zaqueo at sinabi na king Ginu, Ginu, ing kapitna king pibandian ku ipamie ku karing pakakalulu. At nung sakaling atin kung pirait ninuman, isubli kung makatapat a besis keya.

Ding Dapat 26:20

Muna karin Damasco at karin Jerusalem at kaybat king mabilug a bansa da ring Judio, at penaral ku karing paganu king sukat lang sumisi karing karelang kasalanan at magbalik la lub king Dios at daptan da la detang bage pakilala king pamanisi ra.

1 Samuel 6:3

Ngara, Nung pabalik ye ing Kaban ning Dios king Israel, papagdalan yeng regalu bilang bayad kasalanan. Kanita kumayap kayu, at akilala yu nung baket paparusan na kayu.