Levitico 5:12 - Ing Mayap a Balita Biblia

¹² Idala na iti king pari a kumang kasakmal kaniti anting simbulu king ing kabilugan miyain na kanaku, ing Ginu, at dulukan na ning pari ing kinua nang kasakmal karin king altar bilang ain-a-pamangan. Metung ya iti karing ain a makalako king kasalanan.

Levitico 5:12 Iomraidhean Croise

Levitico 1:13

Luglugan na ning miyayain ing laman lub ampon ding bitis ning animal, at ing pari ya ing miyain kareti king Ginu at dulukan na ngan king altar. Babie tula kanaku, ing Ginu, ing bau na niting ain-a-pamangan.

Levitico 1:17

Kaybat na nita, talnan ne karing pakpak at saka ne pirasuan a katawan; ita sanang e la mikawani ding pakpak. Kaybat, dulukan neng kabilugan king altar. Babie tula kanaku, ing Ginu, ing bau na niting ain-a-pamangan.

Levitico 1:9

Luglugan na pa mu ning miyayain ing laman lub at ding bitis ning animal bayu ibili king altar. Ing pari ya ing duluk kabilugan kaniting ain king altar. Babie tula kanaku, ing Ginu, ing bau na niting ain-a-pamangan.

Levitico 2:16

Kuanan na ning pari itang dake dulukan ampon ing laru at insenso bilang tanda ning e pamangalinguan. Iti ya ing ain-a-pamangan para kanaku, ing Ginu.

Levitico 2:2

at kaybat idala na karing pari a anak nang Aaron. Ing paring mangasiwa ya ing kumang kasakmal king arina at ing laru ampon ing sablang insenso a atyu babo na ning arina ban dulukan na king altar bilang tanda ning e na pamangalinguan at bilang mabanglung ain kanaku, ing Ginu.

Levitico 2:9

Kuma yang kapirasu ing pari at dulukan ne iti king altar bilang tanda ning e pamangalinguan. Babie tula kanaku, ing Ginu, ing bau na niting ain-a-pamangan.

Levitico 3:11

Dulukan na ngan iti ning pari a mangasiwa karin king altar bilang ain-a-pamangan para kanaku, ing Ginu.

Levitico 3:4

ding adua nang batu ampon ing taba ra, at ing masanting nang dake ning ate.

Levitico 4:35

Kuanan na ning pari ing sablang taba, antimo nung makananu rang kakuanan ing taba ning tupang pete ra para karing ain-ning-pamisulusulu. Idala na iti king altar at dulukan na karin pati na ing pamangan a miyain kanaku, ing Ginu. King anti kaniting paralan ne iyain ning pari ing ain-a-kapamayaran-king-kasalanan ning mikasala, at mipatawaran ya.

Levitico 5:11

Nung e na la pa mu rin agyung iyain ning ninuman ding aduang pitsun o ding aduang batu-batu, sukat yang magdalang atlu ampon kapitnang litrung mapinung arina bilang ain-a-kapamayaran-king-kasalanan. E na sasamutanan larung olibo o insenso, uling iti metung yang ain-a-kapamayaran-king-kasalanan.

Levitico 5:13

King anti kaniting paralan na iyain ning pari ing ain-a-kapamayaran-king-kasalanan ning mikasala, at mipatawaran ne man. Mangaintulid king pari ing mitagan king ain, antimo ing mararapat king pamiyain ain-a-binutil.

Levitico 6:15

Kuma yang kasakmal ing metung karela king mapinung arinang semutanan laru at insenso. Kaybat, dulukan na iti king altar bilang tanda king ing kabilugan a ain miyain na kanaku, ing Ginu. Babie tula kanaku, ing Ginu, ing bau na niting ain.

Ding Bilang 5:26

Kuma yang kasakmal king arina at silaban na iti king altar. Kaybat, kanita na ipainum ing mapait a danum king babai.

Ding Dapat 10:4

Minatna yang mitmung takut king anghel at ngana, Nanu pu ita, ginu? Mekibat ya ing anghel, Tinggap ning Dios ing kekang panalangin ampon dapat a mayap at e na ka kelinguan.

Efeso 5:2

Mibiebie kayung mitmung lugud antimo i Cristo; uli na ning kaluguran na katamu, inain na ing bie na bilang mabanglung ain at sakripisyung makaligaya king Dios.