Levitico 5:11 - Ing Mayap a Balita Biblia

¹¹ Nung e na la pa mu rin agyung iyain ning ninuman ding aduang pitsun o ding aduang batu-batu, sukat yang magdalang atlu ampon kapitnang litrung mapinung arina bilang ain-a-kapamayaran-king-kasalanan. E na sasamutanan larung olibo o insenso, uling iti metung yang ain-a-kapamayaran-king-kasalanan.

Levitico 5:11 Iomraidhean Croise

Exodo 16:18

Inyang tinakal da iti, e naman labis itang ikua ra detang kinangwang dakal, at e naman kulang itang ikua ra detang ditak mu kinua. Ikua na ning metung at metung itang sapat king kailangan na.

Exodo 16:36

Ing karaniwan a panakal king malanging bage kanita katumbas ne ning aduang pulung litru.)

Levitico 1:14

Nung miyayain yang ayup a dulukan ing ninuman, batu-batu o kaya pitsun ing idala na.

Levitico 12:8

Nung e ne agyung iyain ing metung a biserung tupa, malyari yang magdalang kaparis a patipati o kaya kaparis a batu-batu; metung para king ain-a-durulukan at ing metung para king ain-a-kapamayaran-king-kasalanan. Gampanan ne ning pari ing seremonia na ning pangapatawaran a makalako king panga-dinatan na ning babaing ibat menganak. Kaybat na nita, maging malinis ne.

Levitico 14:21

Nung pakakalulu ne man ing tau at e na agyung ibie iti, malyari yang magdalang metung mung biserung lalaking tupa para king pangadeklara nang malinis bilang ain-a-kapaglarinan-king-kasalanan, adua mung litrung arina a singkapan larung olibo bilang ain-a-binutil at kapitnang litrung larung olibo.

Levitico 27:8

Nung menata ya ing ninuman at ala yang panatbus uli na ning kakaluluan na, idala ya ing taung ita king pari, at ing pari ya ing bala nung magkanu ing agyu nang ipanatbus ning taung dela ra.

Levitico 5:12

Idala na iti king pari a kumang kasakmal kaniti anting simbulu king ing kabilugan miyain na kanaku, ing Ginu, at dulukan na ning pari ing kinua nang kasakmal karin king altar bilang ain-a-pamangan. Metung ya iti karing ain a makalako king kasalanan.

Levitico 5:6

Ban mipatawaran ya, sukat yang miyain kanaku, ing Ginu, metung a babaing tupa o kaya babaing kambing. Iyain ne iti ning pari para king pangapatawaran na ning mikasala.

Levitico 5:9

Ipisik na kanita ing daya king lele na ning altar. Patiktikan na ngan ing mitagan king daya king talpakan na ning altar. Iti metung yang ain a makalako king kasalanan.

Levitico 6:20

Iti ya ing ain a idala na kanakung Aaron at anak nang lalaki king aldo na ning karelang ordinasyun: atlu at kapitnang litrung mapinung arina (anti ring karaniwan ain-a-binutil). Iyain neng abak ing kapitna kaniti at itang kapitna neng gatpanapun.

Ding Bilang 5:15

kanita idala ne ing asawa na king pari. Magdala yang aduang takal a arinang sebada a e na tigtugan larung olibo at e na dininan insenso, uling iti ain ne ning lalaking magsuspetsa king asawa na ban lunto ing katutuan.

Ding Bilang 7:13

Minain yang metung a bandehadung pilak a titimbang limang pulung onsa at metung a silyo pilak a titimbang atlung pulung onsa, agpang king timbangan ning santuaryu. Mitmu la reti king arinang sinamut king larung olibo bilang ain-a-binutil.

Lucas 2:24

At minta la naman karin ban miyain ain-sakripisyu antimo ing yuyutus na ning kautusan ning Ginu: kaparis a batubatu o kaya aduang pitsun.

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Hebreo 9:22

Agpang king Kautusan, halus ing sablang bage malilinis king kapamilatan na ning daya at mipatawaran la ding kasalanan bukud mung king kapamilatan na ning pamitulu ning daya.