Levitico 5:1 - Ing Mayap a Balita Biblia

¹ Nung mayawad king metung a tau ing magtestigu ya tungkul king bage mepalyari a ikit na o balu na, pero e ya bisang magsalita, mikasala ya at atin yang pakibatan.

Levitico 5:1 Iomraidhean Croise

1 Ari 22:16

Oneng nganang Aring Ahab kang Micaia, Magsalita kang katutuan kanaku neng magsalita ka king lagyu na ning Ginu. Kailangan pa waring sabian kung ulit-ulit yan keka?

1 Ari 8:31

Nung misangkanan yang dinapat e ustu ing metung a tau king kalupa nang tau, idala re keting altar mu at pasumpan nung ala ya ping kasalanan.

2 Cronica 18:15

Nganang Aring Ahab, Magsalita kang katutuan kanaku neng magsalita ka king lagyu na ning Ginu. Kailangan pa waring sabian kung ulit-ulit yan keka?

Ding Dalit 38:4

Malulumud ku king keraklan ding kakung pamikasala; e ku la adala-dala uling anti lang mabayat a karga.

Exodo 22:11

sumpa ya ing penabilinan ketang lugal a pisasamban king Dios king ya e ne pigimbutan ing animal a mipanabilin bilang kargu na. Panaligan na na ning makibandi iting sumpa at ala yang bayaran nanuman ing penabilinan.

Ding Kasebian 29:24

Mapanganib ing makisapakat king mapanako. Miparusan ya nung magsalita yang katutuan king husgadu, at parusan ne ning Dios nung kalaraman ing keyang sabian.

Ding Kasebian 30:9

Malyaring kakung sabian ing e ra ka balu o e ra ka kailangan, nung sobra ing babie mu kaku. Malyaring manako ku, nung mamulubi ku at layun kang malapastangan, O kakung Dios.

Isaias 53:11

Kaybat ning bie nang mitmung kasakitan, pasibayu yang mika kaligayan; abalu na king e mewalang kabaldugan ing keyang kasakitan. Ing tapat kung talasuyu a tutu kung pitutulan tanggapan na ing parusang mangaintulid karing dakal, at alang-alang keting talasuyu patawaran ku la.

Jeremias 23:10

Mitmu ya ing bansa karing taung migtaksil king Ginu; mibiebie la king e mayap at abusuan ing karelang upaya. Uli ning sumpa ning Ginu magpaldas ya ing bansa, at melangi lang pipagpastulan.

Ezekiel 18:20

Ing mate ya itang mikasala. E ya sukat magdusa ing anak karing kasalanan nang tata na, at e ya sukat magdusa ing tata king kasalanan na ning anak na. Tanggap yang ablas ing taung mayap king depat nang mayap, at magdusa ya ing e mayap a tau king e mayap a depat na.

Ezekiel 18:4

Bandi ke ing bie ning ninumang tau, ing bie na ning pengari at ing bie ning anak. Ing taung mikakasala ya ing mate.

Levitico 17:16

Pagdusan na ing pamikasala na nung e na daptan ing anti kaniti.

Levitico 19:8

Mikasala ya ing ninumang mangan kaniti, uling kalapastanganan ita king metung a sagradung bage. Itiwalag ke king balen ku ing ninumang labag kaniti.

Levitico 20:17

Nung makipangatawan ya ing metung a lalaki king kapatad nang babai o king kasing-ibpa na o kasing-ima na, sukat ibulalag king balen ing makarine depat da at itabi la. Sukat nang pagdusan ing kasalanan na ning lalaking mekipangatawan king kapatad nang babai.

Levitico 4:2

Sabian mu karing memalen na ning Israel king ing ninumang mikasala king isanu pa man karing kautusan ku, ing Ginu, king e na sasarian, sukat yang pailalam karing makatuking tuntunan.

Levitico 5:15

Nung ating mikasala king e na sasarian a antimo ing e na pamamie ketang bage sagradu a mangaintulid kanaku, ing Ginu, sukat yang magdalang metung a lalaking tupa o lalaking kambing a alang dipektu bilang ain-a-kapaglarinan-king-kasalanan kanaku. Makayagpang ing alaga na ning animal king timbangan ning santuaryu.

Levitico 5:17

Nung mekalabag ya ing ninuman king e na sasarian karing kautusan ku, mikasala ya at kailangan nang bayaran ing depat nang pamikasala.

Levitico 7:18

Nung ating mapangan kaniting tagan king katlung aldo, e ku na tanggapan ing ain a iti; ala nang ulaga. Maging makasumami ya at mika pakibatan ya pa ing ninumang mangan kaniti.

Ding Bilang 9:13

Nung e ne pagselebran ing Pamaglagpus ning taung malinis at e maglakbe king aliwang lugal itiwalag ya king kanakung balen, uling e ya minie ain kanaku king aldo a mitakda. Sukat nang pagdusan ing pamikasala na.

Mateo 26:63

Oneng e ya bubulad i Jesus. Nganang pasibayung migsalita ning Pekapun ding Pari, Yuyutus ku keka: King lagyu na ning Dios a mabie, sabian mu kekami nung ika ing Cristo, ing Anak ning Dios.

1 Pedro 2:24

Dela na la king katawan nang Cristo ding kasalanan tamu kanitang pinaku de king krus ban kanita itamu mate ta na king kasalanan at mie tamu king katuliran. King kapamilatan da ring sugat a tinggap na, kinayap kayu.

Ukum 17:2

Ngana kang ima na, Simpa me ing taung menako karing kekang libu dinalan a pirasung salaping pilak. Dimdam ku inyang sinabi mu ita. Atyu la kanaku ding pirasung salaping pilak. Aku ing kinangwa. Nganang ima na, Anak, mananu na sanang bendisyunan na ka ning Dios.