Levitico 4:5 - Ing Mayap a Balita Biblia

⁵ Kaybat na nita, ing Pamuntuk da ring Pari a mikasala kuma yang ditak king daya na ning toro at idala na kilub ning Tolda.

Levitico 4:5 Iomraidhean Croise

Levitico 16:14

Kuma yang ditak king daya na ning toro at king kapamilatan na ning taliri na ipisik na king tulid ning takap, at kaybat ipisik na namang pitung besis ing daya king arap na ning Kaban ning Kasunduan.

Levitico 16:15

Kaybat na nita, paten ne ing kambing para king ain-a-kapamayaran-king-kasalanan da ring tau. Idala na ing daya na niti kilub na ning Kabanal-banalan a Lugal, at ipisik na king babo na ning takap, at kaybat king arap ning Kaban ning Kasunduan, antimo ing depatan na king daya ning toro.

Levitico 16:19

King kapamilatan na ning taliri na pisikan neng pitung besis king daya ing altar ban maging sagradu ya at luminis ya ketang sabla rang pamikasala ding memalen na ning Israel.

Levitico 4:3

Nung ing mikasala ya ing Pamuntuk da ring Pari at uli na niti midame la ding tau king pamikasala na, sukat yang miyain biserung toro a alang dipektu, at iyain ne iti kanaku, ing Ginu, para king kasalanan na.

Levitico 6:23

Iting ain-a-binutil a iyain ning pari sukat ngang dulukan kabilugan; e malyaring kanan iti.

Ding Bilang 19:4

Kaybat na nita, i Eleazar a pari kuma yang daya king kapamilatan da ring taliri na at ipisik nang pitung besis iting daya king dane arapan ning Toldang tuknangan ku.

1 Juan 1:7

Nung mabibie tamu king sala, antimo nung makananung yang atyu king sala, atin tamung pamisasanmetung at ing daya nang Jesus a Anak na lilinisan na katamu king sabla tamung kasalanan.