Levitico 4:34 - Ing Mayap a Balita Biblia

³⁴ Kuma yang ditak a daya ing pari at ibili na iti karing sagung atyu king paligid na ning altar. Kaybat na nita, itugtug na ing dayang mitagan king talpakan na ning altar.

Levitico 4:34 Iomraidhean Croise

Isaias 42:21

Ing Ginu Dios yang matulang magligtas, inya ding keyang kautusan at turu dininan na lang dangal, at buri na king kilalanan na la ning balen na.

Levitico 4:18

Dinan na la namang daya ding sagung atyu makapaligid king altar ning pidurulukan insenso. Itugtug na ing dayang mitagan king talpakan na ning altar a pidurulukan ain a atyu king tulid nang pasbul ning Tolda.

Levitico 4:25

Kuma yang ditak ing pari king daya na ning kambing at ibili na iti karing sagu na ning altar ning pidurulukan ain. Itugtug na ing dayang mitagan king talpakan na ning altar.

Levitico 4:30

Kuma yang ditak ing pari king daya na ning kambing at ibili na iti karing sagung atyu king altar. Itugtug na ing dayang mitagan king talpakan na ning altar.

Levitico 4:7

Kaybat, ibili na ing ditak a daya karing sagung atyu karing suluk ning altar a pidurulukan king mabanglung insenso kilub ning Tolda. Itugtug na kanita ing dayang mitagan king talpakan na ning altar a pidurulukan karing ain a atyu king tulid nang pasbul ning Tolda.

Juan 17:19

At king uli ra babie ku keka ing kanakung sarili ban ila man maging keka la kapamilatan na ning katutuan.

Roma 10:4

I Cristo ya ing kawakasan na ning Kautusan at king kapamilatan na matanggap ya king Dios ing ninumang sasalpantaya.

Roma 8:1

Inya e na la miyatulan kaparusan detang mabibie kang Cristo Jesus.

Roma 8:3

Depat na ning Dios ing e na arapat ning Kautusan uli na ning keinan ning tau. Tinubud ne ning Dios ing Anak na a dinatang kalupa na ning taung makasalanan ban ilako na ing kasalanan. King kapamilatan na ning depat nang iti ning Dios perusan na ing kasalanan a magobra king keinan na ning tau

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Hebreo 10:29

e kasi lalu yang mabayat ing parusang dugpa king taung maninsultu king Anak ning Dios at lalapastangan king dayang meging katibayan na ning tipan ning Dios at pepabanal keya at king taung maninsultu king Espiritung magdalang lunus?

Hebreo 2:10

Matulid king ing Dios a linalang at papanatili king sabla ing gawan neng ganap i Jesus king kapamilatan na ning kasakitan ban adala na la ding dakal nang anak king pamakirake king ligaya na. I Jesus ya ing panibatan na ning karelang kaligtasan.

1 Pedro 2:24

Dela na la king katawan nang Cristo ding kasalanan tamu kanitang pinaku de king krus ban kanita itamu mate ta na king kasalanan at mie tamu king katuliran. King kapamilatan da ring sugat a tinggap na, kinayap kayu.

1 Pedro 3:18

Uling i Cristo mismu mete ya para karing kekayung kasalanan, misan mu at para king kapilan pa man, ing taung banal para karing taung makasalanan, ban kanita akua na katamung ilapit king Dios. Pete re ing katawan na, oneng sinubli yang mebie bilang espiritual,