Levitico 4:3 - Ing Mayap a Balita Biblia

³ Nung ing mikasala ya ing Pamuntuk da ring Pari at uli na niti midame la ding tau king pamikasala na, sukat yang miyain biserung toro a alang dipektu, at iyain ne iti kanaku, ing Ginu, para king kasalanan na.

Levitico 4:3 Iomraidhean Croise

2 Cronica 29:21

Migdala lang pitung toro, pitung lalaking tupa, pitung biserung tupa, at pitung kambing a lalaki bilang ain-a-kapamayaran-king-kasalanan ning pamilya ning ari at ding memalen at king pangalinis na ning Templo, agpang king aduan ning kautusan. Inutusan na la ning ari ding paring ibat king lahi nang Aaron ing iyain da la king altar ning Ginu.

Ezra 8:35

Migdala no mang ain-a-durulukan para king Dios ning Israel ding sablang mibalik a taung miyugse. Miyain lang labing aduang biserung toro para king Israel, siam apulu't siam a lalaking tupa, pitung pulu't pitung biserung tupa. Miyain la namang labing aduang lalaking kambing bilang ain-kapamayaran-king-kasalanan. Dilukan da la ngan deting animal bilang ain king Ginu.

Exodo 29:14

Oneng dulukan mu king lual ning kampu ing laman ning toro, ing balat na, at ding bituka na. Iti maging ain para mipatawaran ing kasalanan.

Exodo 29:21

Kuma kang ditak king dayang atyu king altar at ditak king larung paglania. Ipisik mu iti kang Aaron, king imalan na, karing anak nang lalaki, at karing imalan da. Mitalaga ne kanita kanaku i Aaron, ding anak na, at ing imalan da.

Exodo 29:7

Kaybat, kuanan mu ing larung paglania at itugtug mu iti king buntuk na at lanian me.

Exodo 30:10

Misan king pabanua sukat neng gampanan Aaron ing seremonia ning pamaglinis keting altar king kapamilatan na ning pamangaskas na karing apat nang sagu king daya ning animal a miyain para king pangapatawaran na ning kasalanan. Sukat marapat iti misan king pabanua at king kapilan pa man. Sukat yang lubus banal iting altar a makatalaga para kanaku, ing Ginu.

Ezekiel 40:39

Keting kuartung palub ating aduang lamesa king misusumangid. Karin da la papaten ding animal a miyain ban dulukan, ding ain-a-kapamayaran-king-kasalanan o ding ain-a-kapaglarinan-king-kasalanan.

Ezekiel 43:19

Detang pari a ibat king pamilya nang Zadok ning tribu nang Levi ila mung bukud makalapit king arapan ku ban sumuyu. Aku, ing Ginung Dios, ing mumutus kaniti. Dinan mu lang toro para ain-a-kapamayaran-king-kasalanan.

Ezekiel 44:27

at kaybat na nita munta ya king patyung atyu king kilub ning Templo at miyain yang ain-sakripisyu para king pangadalise na ban makasuyu yang pasibayu king Templo. Aku, ing Ginung Dios, ing migsalita.

Levitico 1:10

Neng miyayain yang tupa o kambing a durulukan ing ninuman, kailangan ing lalaki ya at ala yang dipektu.

Levitico 1:3

Malyari yang kumang metung karing baka na a alang dipektu neng miyayain yang ain-a-durulukan ing ninuman kekayu. Idala ne iti king tulid na ning pasbul ning Toldang tuknangan ku ban maging karapatdapat ya kanaku.

Levitico 16:11

Paten neng Aaron ing toro at iyain ne bilang ain-a-kapamayaran-king-kasalanan para king kasalanan na at ning pamilya na.

Levitico 16:3

Oneng malyari yang lungub king Kabanal-banalan a Lugal pota mung kaybat nang mekayain metung a biserung toro bilang ain-a-kapamayaran-king-kasalanan, at metung a lalaking tupa bilang ain-a-durulukan.

Levitico 16:5

Dinan ne ning balen Israel aduang kambing a lalaki i Aaron bilang ain-a-kapamayaran-king-kasalanan at metung a lalaking tupa bilang ain-a-durulukan.

Levitico 16:6

Miyain ya namang metung a toro bilang ain-a-kapamayaran-king-kasalanan para king sarili nang kasalanan, at para karing kasalanan da ring pamilya na.

Levitico 4:14

kabud mebalu ing pamikasala, magdala yang biserung toro ing kapulungan bilang ain para king pangapatawaran ning kasalanan. Idala de iti arap na ning Toldang tuknangan ku, ing Ginu.

Levitico 4:23

kabud meyaus ya pansin tungkul king pamikasala na, sukat yang magdalang metung a kambing a lalaki a alang dipektu bilang ain na.

Levitico 4:28

kabud meyaus ya pansin king pamikasala na, sukat yang magdalang metung a babaing kambing a alang dipektu bilang ain na.

Levitico 4:5

Kaybat na nita, ing Pamuntuk da ring Pari a mikasala kuma yang ditak king daya na ning toro at idala na kilub ning Tolda.

Levitico 5:6

Ban mipatawaran ya, sukat yang miyain kanaku, ing Ginu, metung a babaing tupa o kaya babaing kambing. Iyain ne iti ning pari para king pangapatawaran na ning mikasala.

Levitico 6:18

Malyari dang kanan king kapilan pa man ding sablang lalaki king lahi nang Aaron iting dake ra king pamangan a miyayain kanaku, ing Ginu. Manasakit ya ing ninumang tagkil king ain-a-pamangan, uli na ning kabanalan na niti.

Levitico 8:12

Inordinan ne i Aaron king kapamilatan na ning pamitugtug ditak a larung paglania king buntuk na.

Levitico 9:2

Nganang sinabi kang Aaron, Kuma kang metung a biserung toro at metung a lalaking tupa a parehung alang dipektu. Iyain me ing biserung toro bilang ain-a-kapamayaran-king-kasalanan at ing lalaking tupa bilang ain-a-durulukan.

Levitico 9:3

Sabian mu munaman karing memalen na ning Israel ing magdala lang lalaking kambing a iyain da bilang ain-a-kapamayaran-king-kasalanan. Magdala la namang baka a pabanua tua at tupa a pabanua munaman a tua. Kailangan king deti ala lang dipektu para king ain-a-durulukan.

Ding Bilang 16:22

Migsakab la king gabun di Moises at Aaron. Kaybat ngara, O Dios a sibul ning sablang bie, paten yu la wari ding sablang tau uli na mu ning kasalanan na ning metung a tau?

Ding Bilang 8:8

Kaybat na nita, papagdalan mu lang metung a biserung toro bilang ain-a-durulukan at ing ain-a-binutil a arinang sinamut king larung olibo. Magdala la namang metung pang biserung toro para ain-a-kapamayaran-king-kasalanan.

Roma 8:3

Depat na ning Dios ing e na arapat ning Kautusan uli na ning keinan ning tau. Tinubud ne ning Dios ing Anak na a dinatang kalupa na ning taung makasalanan ban ilako na ing kasalanan. King kapamilatan na ning depat nang iti ning Dios perusan na ing kasalanan a magobra king keinan na ning tau

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Hebreo 5:3

Uli na ning ya mismu maina ya, kailangan ya naman miyain ain-sakripisyu e mu para karing kasalanan da ring tau nune para munaman karing sarili nang kasalanan.

Hebreo 9:12

Misan ya mu linub king Kabanal-banalan a Lugal i Cristo at ita sapat na para kapilan man. E ra daya ding kambing at biserung baka ing darala nang ain anting sakripisyu, nune ing sariling daya na at apakiabutan na ing alang anggang kaligtasan para kekatamu.