Levitico 4:26 - Ing Mayap a Balita Biblia

²⁶ Kaybat na nita, kuanan na ing sablang taba at idala na king altar ban dulukan bilang ain-ning-pamisulusulu. Iti ing daptan na ning pari king kasalanan na ning pamuntuk ning kapulungan, at mipatawaran ya.

Levitico 4:26 Iomraidhean Croise

2 Cronica 29:24

Kaybat na nita, ding pari pete da la ring kambing at tigtug da ing daya king altar bilang ain-a-kapamayaran-king-kasalanan da ring memalen, uling inutus na ning ari king miyain lang ain-a-durulukan at ain-a-kapamayaran-king-kasalanan ning mabilug a Israel.

Ezekiel 43:22

King kaduang aldo, iyain me ing lalaking kambing a alang dipektu para ain-kapatawaran-king-kasalanan. At sukat yang madalise ing altar kalupa na inyang miyain ya ing toro.

Levitico 1:4

Itumpak ne ing gamat na king buntuk na ning animal, at matanggap ya iti bilang panatbus king kasalanan na.

Levitico 12:8

Nung e ne agyung iyain ing metung a biserung tupa, malyari yang magdalang kaparis a patipati o kaya kaparis a batu-batu; metung para king ain-a-durulukan at ing metung para king ain-a-kapamayaran-king-kasalanan. Gampanan ne ning pari ing seremonia na ning pangapatawaran a makalako king panga-dinatan na ning babaing ibat menganak. Kaybat na nita, maging malinis ne.

Levitico 14:18

Kaybat, ikaskas na ing larung makatagan king palad na king buntuk na ning tau bilang kapamayaran kasalanan kanaku, ing Ginu.

Levitico 15:15

Iyain ne ning pari ing metung kareti bilang ain-a-kapamayaran-king-kasalanan at ing metung naman bilang ain-a-durulukan. King anti kaniting seremonia ne linisan ning pari ing lalaking ating tulu.

Levitico 17:11

Uling ing bie atyu king daya at iti ya ing sangkan nung inya aku, ing Ginu, inutus ku king idala ing daya king altar ban panatbus king bie yu at king kasalanan da ring tau. Uling ing bie atyu king daya at ya ing makalako king kasalanan.

Levitico 19:22

Gampanan na ning pari ing seremonia na ning pangapatawaran ban mipatawaran ya kasalanan ing lalaking mikasala. At aku, ing Ginu, patawaran ke.

Levitico 3:5

Ding pari ilang duluk ngan kaniti potang mibili na king altar kayabe ning aliwa pang ain-a-durulukan. Babie tula kanaku, ing Ginu, ing bau na niting ain-a-pamangan.

Levitico 4:19

Kaybat na nita, kuanan na ing taba at dulukan na iti king altar,

Levitico 4:20

antimo ing depatan na king taba ning torong miyain para king pangapatawaran ning kasalanan. Daptan na ning pari iti ban mipatawaran la kasalanan ding tau, at mipatawaran no man.

Levitico 4:31

Kaybat na nita, kuanan na ing sablang taba, antimo nung makananung lalako ing taba ning animal a pete para king ain-ning-pamisulusulu. Idala na iti king altar at karin na dulukan. Babie tula kanaku, ing Ginu, ing bau na niti. Iti ya ing daptan na ning pari ban mipatawaran ya kasalanan ing taung karaniwan, at mipatawaran ya.

Levitico 4:35

Kuanan na ning pari ing sablang taba, antimo nung makananu rang kakuanan ing taba ning tupang pete ra para karing ain-ning-pamisulusulu. Idala na iti king altar at dulukan na karin pati na ing pamangan a miyain kanaku, ing Ginu. King anti kaniting paralan ne iyain ning pari ing ain-a-kapamayaran-king-kasalanan ning mikasala, at mipatawaran ya.

Levitico 5:10

Kaybat na nita, iyain ne ing kaduang ayup bilang ain-a-durulukan, agpang karing tuntunan. Makanyan neng iyain ning pari para king pangapatawaran na kasalanan ning mikasala, at mipatawaran ya.

Levitico 5:13

King anti kaniting paralan na iyain ning pari ing ain-a-kapamayaran-king-kasalanan ning mikasala, at mipatawaran ne man. Mangaintulid king pari ing mitagan king ain, antimo ing mararapat king pamiyain ain-a-binutil.

Levitico 5:16

Sukat na namang bayaran itang alagang akalinguan nang beyaran, at sukat neng patunganan beinti por sientu ing mesabing alaga. Ibie na iti king pari, at iyain ne ning pari ing animal bilang ain-a-kapamayaran-king-kasalanan na, at mipatawaran ya.

Levitico 5:18

Kailangan ing idala ne king pari ing metung a lalaking tupa o lalaking kambing a alang dipektu. Makayagpang ya ing alaga na ning animal king timbangan ning santuaryu. Iyain ne iti ning pari para king pangapatawaran na ning kasalanan na ning mikasala, at mipatawaran ya.

Levitico 6:7

Iyain ne iti ning pari para king pangapatawaran ning kasalanan na ning mikasala, at mipatawaran ya.

Ding Bilang 15:25

Ing pari ya ing ganap king seremonia ning pangapatawaran ning kasalanan para king mabilug a balen, at mipatawaran la uling e ra sasarian at uling miyain lang ain-a-kapamayaran-king-kasalanan bilang ain-a-pamangan king Ginu.

Ding Bilang 15:28

Ing pari ya ing miyain king ain para king mikasala king e na sasarian, at mipatawaran ya.