Levitico 4:25 - Ing Mayap a Balita Biblia

²⁵ Kuma yang ditak ing pari king daya na ning kambing at ibili na iti karing sagu na ning altar ning pidurulukan ain. Itugtug na ing dayang mitagan king talpakan na ning altar.

Levitico 4:25 Iomraidhean Croise

Exodo 29:12

Kuma kang ditak king daya ning toro at king metung mung taliri ikaskas mu iti karing sagu ning altar. Kaybat itugtug mu ing makatagan a daya king talpakan ning altar.

Isaias 40:21

E yu pa wari balu? E pa wari mipabalu kekayu king panaun a milabas? E yu pa wari dimdam nung makananu yang megumpisa ing yato?

Levitico 16:18

Kalual na munta ya king altar a pidurulukan karing ain at saka ne linisan iti. Kuma yang ditak king daya na ning toro at ditak king daya na ning kambing, at saka na ikaskas karing sagu a makapaligid king altar.

Levitico 17:11

Uling ing bie atyu king daya at iti ya ing sangkan nung inya aku, ing Ginu, inutus ku king idala ing daya king altar ban panatbus king bie yu at king kasalanan da ring tau. Uling ing bie atyu king daya at ya ing makalako king kasalanan.

Levitico 4:18

Dinan na la namang daya ding sagung atyu makapaligid king altar ning pidurulukan insenso. Itugtug na ing dayang mitagan king talpakan na ning altar a pidurulukan ain a atyu king tulid nang pasbul ning Tolda.

Levitico 4:24

Itumpak ne ing gamat na king buntuk ning kambing, at saka ne paten karin king dane nang norti ning altar nung nu ra la papaten ding animal a miyayain bilang ain-a-durulukan. Iti ya ing ain a makalako king kasalanan na.

Levitico 4:30

Kuma yang ditak ing pari king daya na ning kambing at ibili na iti karing sagung atyu king altar. Itugtug na ing dayang mitagan king talpakan na ning altar.

Levitico 4:34

Kuma yang ditak a daya ing pari at ibili na iti karing sagung atyu king paligid na ning altar. Kaybat na nita, itugtug na ing dayang mitagan king talpakan na ning altar.

Levitico 4:7

Kaybat, ibili na ing ditak a daya karing sagung atyu karing suluk ning altar a pidurulukan king mabanglung insenso kilub ning Tolda. Itugtug na kanita ing dayang mitagan king talpakan na ning altar a pidurulukan karing ain a atyu king tulid nang pasbul ning Tolda.

Levitico 5:9

Ipisik na kanita ing daya king lele na ning altar. Patiktikan na ngan ing mitagan king daya king talpakan na ning altar. Iti metung yang ain a makalako king kasalanan.

Levitico 8:10

Inyang merapat na ing sablang iti, kinua neng Moises ing larung paglania at saka ne pisikan kaniti ing Toldang tuknangan ning Ginu ampon ing sablang atyu karin. King anti kaniting paralan na telaga ing sabla-sabla para king Ginu.

Levitico 8:15

Pete neng Moises ing toro at saka ya kinangwang ditak a daya. At king taliri na kinangwa yang ditak a daya at kiskas na iti karing sagu a atyu king altar ban italaga ne. Kaybat, sinabug na ing mitagan king daya king talpakan na ning altar bilang pamitalaga kaniti at ing pangadalise na.

Levitico 9:9

Kaybat na nita, diwang da ring anak nang lalaki ing daya. Tiniltil neng Aaron ing taliri na king daya at kiskasan na la kaniti ding sagu a makapaligid king altar. Tigtug na ing dayang mitagan king talpakan na ning altar;

Roma 10:4

I Cristo ya ing kawakasan na ning Kautusan at king kapamilatan na matanggap ya king Dios ing ninumang sasalpantaya.

Hebreo 2:10

Matulid king ing Dios a linalang at papanatili king sabla ing gawan neng ganap i Jesus king kapamilatan na ning kasakitan ban adala na la ding dakal nang anak king pamakirake king ligaya na. I Jesus ya ing panibatan na ning karelang kaligtasan.

Hebreo 9:22

Agpang king Kautusan, halus ing sablang bage malilinis king kapamilatan na ning daya at mipatawaran la ding kasalanan bukud mung king kapamilatan na ning pamitulu ning daya.