Levitico 4:21 - Ing Mayap a Balita Biblia

²¹ Kaybat na nita, ilual ne king kampu ing toro, at karin ne dulukan antimo nung makananu neng dilukan ing torong miyain para king sarili nang kasalanan. Iti ya ing ain para king pangapatawaran na kasalanan ning kapulungan.

Levitico 4:21 Iomraidhean Croise

Ezra 8:35

Migdala no mang ain-a-durulukan para king Dios ning Israel ding sablang mibalik a taung miyugse. Miyain lang labing aduang biserung toro para king Israel, siam apulu't siam a lalaking tupa, pitung pulu't pitung biserung tupa. Miyain la namang labing aduang lalaking kambing bilang ain-kapamayaran-king-kasalanan. Dilukan da la ngan deting animal bilang ain king Ginu.

Exodo 29:14

Oneng dulukan mu king lual ning kampu ing laman ning toro, ing balat na, at ding bituka na. Iti maging ain para mipatawaran ing kasalanan.

Ezekiel 45:22

King mumunang aldo, misadia yang metung a toro ing prinsipi bilang ain-a-kapamayaran-king-kasalanan para king sarili na at para karing memalen na ning Israel.

Levitico 16:15

Kaybat na nita, paten ne ing kambing para king ain-a-kapamayaran-king-kasalanan da ring tau. Idala na ing daya na niti kilub na ning Kabanal-banalan a Lugal, at ipisik na king babo na ning takap, at kaybat king arap ning Kaban ning Kasunduan, antimo ing depatan na king daya ning toro.

Levitico 16:21

Itumpak na la ding adua nang gamat king buntuk na ning kambing at sabian na tulid na ning kambing ing sablang dapat dang e ustu at kasalanan ding memalen na ning Israel. King makanyan a paralan milipat king buntuk na ning kambing ing sablang iti. Kaybat na nita, itabi ne ning metung a lalaking mitulduan ganap kaniti ing kambing papunta king disyerto.

Levitico 16:27

Ing toro at ing kambing a magamit para king ain-a-kapamayaran-king-kasalanan a dela ra daya kilub ning Kabanal-banalan a Lugal ban makalako king kasalanan sukat lang idala lual na ning kampu at dulukan la karin. Sukat ngan silaban ing balat, ing karni, at ing bituka.

Levitico 4:13

Nung ing kabilugan a balen ning Israel ya ing mikasala at mekalabag ya king kautusan ku, ing Ginu, king e na sasarian,

Levitico 4:20

antimo ing depatan na king taba ning torong miyain para king pangapatawaran ning kasalanan. Daptan na ning pari iti ban mipatawaran la kasalanan ding tau, at mipatawaran no man.

Levitico 6:11

Kaybat na nita, manalili yang piblas ing pari, at idala na ing abu king lual na ning kampu; ketang lugal a malinis a mitalaga para kaniti.

Levitico 6:23

Iting ain-a-binutil a iyain ning pari sukat ngang dulukan kabilugan; e malyaring kanan iti.

Levitico 8:17

Kinua na naman itang mitagan king toro at pati na ing balat, karni, at bituka. Dilukan na naman iti king lual na ning kampu, agpang king inutus na ning Ginu.

Ding Bilang 15:24

nung e yu sasarian, kanita ing mabilug a balen miyain yang metung a toro at ain-a-binutil at ain-a-inuman bilang ain-a-durulukan, babie tula kanaku, ing Ginu, ing bau na niti, at metung a lalaking kambing bilang ain-a-kapamayaran-king-kasalanan.

Mateo 20:28

antimo ing Anak ning Tau e dinatang ban suyuan, nune ban sumuyu at iyain ing bie na ban mayatbus la ding dakal.

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.

Hebreo 13:11

Ing Pekapun ding Pari da ring Judio darala nang lulub ing daya da ring animal king Kabanal-banalan a Lugal para iyain da antimong ain-sakripisyung kapamayaran karing kasalanan; oneng ding bangke da ring animal durulukan da la lual na ning balen.