Levitico 4:2 - Ing Mayap a Balita Biblia

² Sabian mu karing memalen na ning Israel king ing ninumang mikasala king isanu pa man karing kautusan ku, ing Ginu, king e na sasarian, sukat yang pailalam karing makatuking tuntunan.

Levitico 4:2 Iomraidhean Croise

Genesis 20:9

Kaybat pepayaus ne i Abraham at ngana, Lawan mu ing gewa mung iti kekami! Nanu waring agawa ming kasalanan laban keka? Digsu mu na ku mu pepaisubu king kasalanan pati na ing kayarian ku. E mu sukat gewa ita kekami.

Ding Dalit 19:12

Ninu mo ing makibalu king sabla nang pamagkulang ning tau? Inya karing kamalian a e ku balu patawaran mu ku.

Ding Dalit 19:13

Iligtas me ining kekang talasuyu king kasalanan ning kapalaluan; e me paburen mag-ari iti kaku, kanita maging lubus kung alang kapintasan; alang mantsa ning mabayat a kasalanan.

Ecclesiastes 5:6

Pigilan me ing dila mu ban e ka mikasala at e mu sana sasabian king talasuyu ning Dios king migkamali ka pala. Obat buri mung mimua ya keka ing Dios? Obat paintulut mung siran na ing kekang pegobran?

Levitico 22:14

Nung ing ninuman a e miembru na ning pamilyang pari makapangan yang e na sasarian karing sagradung ain, bayaran na king pari at patungan na pang beinti por sientu ing pengan na.

Levitico 4:1

Ngana ning Ginu kang Moises,

Levitico 4:13

Nung ing kabilugan a balen ning Israel ya ing mikasala at mekalabag ya king kautusan ku, ing Ginu, king e na sasarian,

Levitico 4:22

Nung ing pamuntuk na ning kapulungan ya ing mikasala at mekalabag metung karing kautusan ku, ing Ginu, king e na sasarian,

Levitico 4:27

Nung karaniwan yang memalen ing mikasala at mekalabag yang metung karing kautusan ku, ing Ginu, king e na sasarian,

Ding Bilang 35:11

mamili kayung siudad a santungan ban apuntalan na ning taung mekapate kalupa nang tau king e na sasarian.

Deuteronomio 19:4

Oyni ing tuntunan a tukian potang ating taung mekapate kalupa nang tau a e na kapagkamua at king e na sasarian. Atin yang karapatan munta at salikut king metung kareting lugal a santungan ban e numanu balang.

1 Timoteo 1:13

Pinili na ku ban sumuyu keya agyamang migsalita kung laban keya. Ligalig ke at lepastangan kanitang minuna. Makanyan man melunus ya kanaku ing Dios uling e ku balu ing daraptan ku kanita uling e ku pa maniwala keya.

Hebreo 5:2

Anti na ning ya mismu ating yang miyayaliwang keinan, malyari yang makirame karing alang balu at karing mililisia king dalan.

Hebreo 9:7

Oneng bukud mung ing Pekapun ding Pari ya ing lulub king kaduang dake at daraptan na iti misan mu king pabanua. Magdala yang daya a iyain na king Dios para king sarili nang kasalanan at para karing kasalanan a arapat da ring tau king e ra balu.

Santiago 3:10

Ing kapurian at palmura parehung manibatan king metung mung asbuk. Kapatad, iti e sukat malyari.

1 Samuel 14:27

Oneng e na dimdam Jonatan ing sinabi nang tata na, inya tiniltil ne king pulut-panilan itang punta na ning tukud na at pengan na. At mesala ya panimanman.