Levitico 4:12 - Ing Mayap a Balita Biblia

¹² Idala na ngan iti king lual na ning kampu ketang lugal a malinis para piyugsianan king abu, at karin na ngan silaban.

Levitico 4:12 Iomraidhean Croise

Exodo 29:14

Oneng dulukan mu king lual ning kampu ing laman ning toro, ing balat na, at ding bituka na. Iti maging ain para mipatawaran ing kasalanan.

Ezekiel 43:21

Kuanan me ing toro ning ain-a-kapamayaran-king-kasalanan at dulukan ketang lugal a mepili lual na ning Templo.

Levitico 13:46

Anggang e mako ing sakit nang ita e ya malinis, at sukat yang lumaut karing tau. Manuknangan yang magdili-dili king lual na ning kampu.

Levitico 16:27

Ing toro at ing kambing a magamit para king ain-a-kapamayaran-king-kasalanan a dela ra daya kilub ning Kabanal-banalan a Lugal ban makalako king kasalanan sukat lang idala lual na ning kampu at dulukan la karin. Sukat ngan silaban ing balat, ing karni, at ing bituka.

Levitico 4:21

Kaybat na nita, ilual ne king kampu ing toro, at karin ne dulukan antimo nung makananu neng dilukan ing torong miyain para king sarili nang kasalanan. Iti ya ing ain para king pangapatawaran na kasalanan ning kapulungan.

Levitico 6:23

Iting ain-a-binutil a iyain ning pari sukat ngang dulukan kabilugan; e malyaring kanan iti.

Levitico 6:30

Nung atin lang linub king Tolda king daya na niting animal at megamit iti king seremonia na ning pamaglako king kasalanan, e ya sukat kakanan ing animal; dulukan ya.

Levitico 6:4

Bayaran ne ning mikasala itang penako na, ing bindian nang apulut o mipanilas keya a babandian na.

Levitico 8:17

Kinua na naman itang mitagan king toro at pati na ing balat, karni, at bituka. Dilukan na naman iti king lual na ning kampu, agpang king inutus na ning Ginu.

Levitico 9:11

Dilukan na ing laman at ing balat king lual na ning kampu.

Ding Bilang 15:35

Kanita ngana ning Ginu kang Moises, Sukat yang paten iting tau. Ilual ya king kampu at karin de basibasan batu ding memalen angga king mate ya.

Ding Bilang 19:3

Ibie ya iti kang Eleazar a pari at kaybat idala ya lual ning kampu. Paten ya karin iting baka king arapan nang Eleazar.

Ding Bilang 19:5

Dulukan ya ing baka king akakit nang Eleazar, pati na ing balat, laman, daya, at bituka.

Ding Bilang 5:3

Itabi ye, lalaki ya man o babai, ban e ya mirinatan ing kampu nung nu ku makatuknang.

Hebreo 13:11

Ing Pekapun ding Pari da ring Judio darala nang lulub ing daya da ring animal king Kabanal-banalan a Lugal para iyain da antimong ain-sakripisyung kapamayaran karing kasalanan; oneng ding bangke da ring animal durulukan da la lual na ning balen.