Levitico 3:3 - Ing Mayap a Balita Biblia

³ Kaybat na nita, iyain da kanaku, ing Ginu, bilang ain-a-pamangan ing miyayaliwang dake na ning animal; ing sablang taba ning laman lub,

Levitico 3:3 Iomraidhean Croise

Ding Dalit 119:70

Ding taung deti ala lang aintindian, oneng aku liligaya ku king kekang kautusan.

Exodo 29:13

Kuanan mu ngan ing tabang makabalut karing laman lub, ing pekamasanting nang dake ning ate, at ding aduang batu ampon ing taba ra. Dulukan mu ngan iti king altar bilang ain kanaku.

Exodo 29:22

Kuanan mu ing taba ning lalaking tupa, ing taba na king iki at itang makabalut king laman lub, ing pekamasanting nang dake ning ate, ding adua nang batu, ing taba ra, at ing wanan nang puad.

Ding Kasebian 23:26

Anak ko, makiramdam kang masalese at ing bie ku ya ing kekang pakiapusan.

Isaias 6:10

Kaybat sinabi na kanaku, Gawan mu lang mapurul a isip ding taung deti, maklak, at bulag ban e la manakit o makaramdam o makaintindi. Magkang magbalik la lub kanaku at maulu la nung manakit la, makaramdam, at makaintindi.

Ezekiel 36:26

Dinan da kayung metung a bayung pusu at metung a bayung pamisip. Ilako ke kekayu ing masias yung pusung batu at dinan da kayung pusung mapamintu.

Ezekiel 44:15

Ngana ning Ginung Dios, Oneng ding pari a pamilya nang Zadok ning tribu nang Levi, ding tinupad king karelang katungkulan king mitmung katapatan king Templo kanitang gilutan da ku ding Israelita, makalapit la kanaku ban sumuyu. Malyari lang talakad arapan ku ban miyain ain a taba at daya.

Levitico 1:12

Pamiraswan ne at ibili na ning pari king api ning altar ing miyayaliwa nang dake ning animal at ing buntuk ampon taba ning animal.

Levitico 1:8

Ibili ra king api ing pemirasung karni at ing buntuk at taba ning animal.

Levitico 16:25

Dulukan na naman king altar ing taba na ning animal para king ain-a-kapamayaran-king-kasalanan.

Levitico 3:16

Dulukan na ngan iti ning pari karin king altar bilang ain-a-pamangan, at iti babie tula kanaku, ing Ginu. Mangaintulid ing sablang taba kanaku, ing Ginu.

Levitico 3:2

Itumpak ne ning miyayain ing gamat na king buntuk na ning animal at saka ne paten king tulid nang pasbul ning Toldang tuknangan ku, ing Ginu. Ding pari a anak nang Aaron ilang misabug king daya king paligid na ning altar.

Levitico 3:4

ding adua nang batu ampon ing taba ra, at ing masanting nang dake ning ate.

Levitico 4:10

Kuanan na ning pari iting taba at dulukan na king altar a magamit para king pamanduluk karing ain, antimo ing daraptan na king taba na ning animal a mepate para king ain-ning-pamisulusulu.

Levitico 7:30

Ya mismu ing midala kaniti. Idala na king altar ing taba na ning animal ampon ing salu na at iyampang ne bilang metung a makapasubaling regalu kanaku, ing Ginu.

Levitico 7:5

Dulukan na ngan ning pari iti king altar bilang ain-a-pamangan para kanaku, ing Ginu. Iti metung yang ain-a-kapaglarinan-king-kasalanan.

Levitico 9:10

pero dilukan na ing taba ning animal, ding batu ampon ing tabang meyakua king masanting nang dake ning ate, agpang king inutus na ning Ginu kang Moises.

Mateo 13:16

Oneng kapalad yo! Manakit la ding mata yu at makaramdam la ding balugbug yu!

Mateo 15:8

Ding taung deti, ngana ning Dios, parangalan da ku karing labi ra, oneng marayu la kaku ding pusu ra.

Roma 5:5

at iti namang kapanayan e makabigu kekatamu uling tigtug na ning Dios ing lugud na karing pusu tamu king kapamilatan na ning Banal a Espiritu a babie na ning Dios kekatamu.

Roma 6:6

Balu tamu king ing matua tamung pangatau mipaku yang kayabe nang Cristo king krus ban siran na ing upaya na niting katawan a makasalanan, at ba tamung miligtas king panga-ipus king kasalanan.

Deuteronomio 30:6

Ibie ne kekayu at karing maging lahi yu ing pusung mapamintu ban luguran ye king mabilug yung pusu at kaladua at kumaba kayu bie.

1 Samuel 2:15

Ing tutu na niti bayu pa meduluk ing taba, datang ne ing utus-utusan na ning pari at ngana king taung miyayain ain-sakripisyu, Ibie yu na ing dake nang karni ning pari ban inangnang na uling e na tanggapan kekayu ing karning mipabukal na; buri na itang sagiwa pa.