Levitico 3:2 - Ing Mayap a Balita Biblia

² Itumpak ne ning miyayain ing gamat na king buntuk na ning animal at saka ne paten king tulid nang pasbul ning Toldang tuknangan ku, ing Ginu. Ding pari a anak nang Aaron ilang misabug king daya king paligid na ning altar.

Levitico 3:2 Iomraidhean Croise

Exodo 29:10

Idala me ing toro arap ning Toldang tuknangan ku at sabian mu kang Aaron at karing anak na ing itumpak da la ring gamat da king buntuk ning toro.

Exodo 29:11

Paten me kanita mu rin king banal kung arapan ing toro king tulid nang pasbul ning Toldang tuknangan ku.

Exodo 29:15

Kuanan me ing metung karing aduang lalaking tupa at sabian mu kang Aaron at karing anak na ing itumpak da la ring gamat da king buntuk na ning tupa.

Exodo 29:16

Paten me ing lalaking tupa; saluran mu ing daya at kaybat ipisik mu karing apat nang suluk ning altar.

Exodo 29:19

Kuanan me ing metung pang lalaking tupa, itang megamit king pamitalaga. Kaybat, ipatung na la ding gamat nang Aaron at ding anak na king buntuk ning tupa.

Isaias 53:6

Mengari tamung tupang mebating; ing balang metung kekatamu minarap ya king sarili nang dalan. Oneng ing Ginu tilutan nang dugpa king keyang talasuyu ing kaparusan, itang parusang kekatamu mangaintuliran.

Levitico 1:11

Paten ne iti king dane nang norti ning altar at isabug da ring pari ing daya ning animal king paligid na ning altar.

Levitico 17:3

Ing ninumang Israelita a makamate toro o tupa o kambing para iyain, at pete ne iti king kilub o king lual na ning kampu

Levitico 17:4

at e king tulid ning pasbul ning Toldang tuknangan ku, ing Ginu, mikasala ya at sukat yang itiwalag king balen ku.

Levitico 3:3

Kaybat na nita, iyain da kanaku, ing Ginu, bilang ain-a-pamangan ing miyayaliwang dake na ning animal; ing sablang taba ning laman lub,

Levitico 3:8

Kaybat na nita, itumpak ne ing gamat na king buntuk ning tupa at paten ne karin king arap ning Tolda. Isabug da ring pari ing daya ning tupa king paligid na ning altar,

Levitico 8:22

Kaybat na nita, kinua neng Moises ing kaduang lalaking tupa a makatalaga para king ordinasyun da ring pari. Timpak na la ring gamat nang Aaron at ding anak nang lalaki king buntuk na ning tupa.

Zacarias 12:10

Katmuan ku la ding lahi nang David at ding aliwang memalen na ning Jerusalem king espiritu ning lunus at panalangin. Lumawe la ketang pete ra king tandus, at panangisan de antimo detang manangis king karelang kabubugtungan a anak. Manangis lang kapait-paitan anti detang kematen king anak dang pangane lalaki.

Ding Bilang 18:17

E ra la malyaring atbusan salapi ding pangane baka, tupa, at kambing; mitalaga la reti para kanaku at sukat ipisik king altar ing daya ra at dulukan ing taba ra bilang ain-a-pamangan. Babie tula kanaku, ing Ginu, ing bau na niti.

Ding Dapat 3:15

at pepapate ye ing panibatan na ning bie. Makanyan man, pepasublian neng mie ning Dios, at tungkul kaniti ikami ding babie patutu.

Ding Dapat 3:26

Makanyan neng pinili at tinubud mumuna kekayu ning Dios ing Talasuyu na ban bendisyunan na kayu at saupan painggulut king e mayap yung pamibiebie.

2 Corinto 5:21

E ya mikasala i Cristo, oneng alang-alang king kekatamung ikakayap, tinuring neng makasalanan ning Dios ban kayabe na maging banal tamu arap ning Dios king kapamilatan na.