Levitico 3:16 - Ing Mayap a Balita Biblia

¹⁶ Dulukan na ngan iti ning pari karin king altar bilang ain-a-pamangan, at iti babie tula kanaku, ing Ginu. Mangaintulid ing sablang taba kanaku, ing Ginu.

Levitico 3:16 Iomraidhean Croise

Genesis 4:4

I Abel naman migdala yang metung karing pangane biseru karing tupa na, at inain na ing masanting diling dake. Metula ya ing Ginu kang Abel at king daralan nang ain.

2 Cronica 29:35

Tutu lang marakal ding ain-a-durulukan subali pa king taba a ain-a-pamangan at ain-a-inuman. Inya mibalik ing pamanyamba king Templo ning Ginu.

2 Cronica 7:7

Telaga neng Solomon ing libutad nang dake ning patyu, itang lugal arap ning Templo. Kaybat, minie yang ain-a-durulukan, ain-a-binutil, at taba a ibat karing ain-ning-pamisulusulu. Depat na iti uling milalu ya kalati ing tangsung altar a pepagawa na para kareting sablang ain.

Exodo 29:13

Kuanan mu ngan ing tabang makabalut karing laman lub, ing pekamasanting nang dake ning ate, at ding aduang batu ampon ing taba ra. Dulukan mu ngan iti king altar bilang ain kanaku.

Exodo 29:22

Kuanan mu ing taba ning lalaking tupa, ing taba na king iki at itang makabalut king laman lub, ing pekamasanting nang dake ning ate, ding adua nang batu, ing taba ra, at ing wanan nang puad.

Isaias 53:10

Ngana ning Ginu, Kaburian ku ing dumalan yang kasakitan; metung yang ain-sakripisyu ing kamatayan na ban mipatawaran ing kasalanan. Inya akit na lang lahi na; kumaba ya bie at king kapamilatan na ing parasan ku magtagumpe.

Ezekiel 44:15

Ngana ning Ginung Dios, Oneng ding pari a pamilya nang Zadok ning tribu nang Levi, ding tinupad king karelang katungkulan king mitmung katapatan king Templo kanitang gilutan da ku ding Israelita, makalapit la kanaku ban sumuyu. Malyari lang talakad arapan ku ban miyain ain a taba at daya.

Levitico 17:6

Ipisik na ning pari ing daya da reting animal king altar a atyu king lele nang pasbul ning Tolda. Dulukan na ing taba ban mika mabanglung bau a babie tula kanaku, ing Ginu.

Levitico 4:26

Kaybat na nita, kuanan na ing sablang taba at idala na king altar ban dulukan bilang ain-ning-pamisulusulu. Iti ing daptan na ning pari king kasalanan na ning pamuntuk ning kapulungan, at mipatawaran ya.

Levitico 4:31

Kaybat na nita, kuanan na ing sablang taba, antimo nung makananung lalako ing taba ning animal a pete para king ain-ning-pamisulusulu. Idala na iti king altar at karin na dulukan. Babie tula kanaku, ing Ginu, ing bau na niti. Iti ya ing daptan na ning pari ban mipatawaran ya kasalanan ing taung karaniwan, at mipatawaran ya.

Levitico 8:25

Kaybat na nita, kinua na ing taba at ing taba king iki ampon ning laman lub at ing masanting nang dake ning ate, ding aduang batu ampon ing taba ra at ing bitis a wanan king tauli.

Levitico 9:24

Kabud-abud peparatang yang api ing Ginu, at silaban na ngan niting api ing ain-a-durulukan ampon ding miyayaliwang dake a maki taba a atyu king altar. Inyang ikit da iti mengapakulisak la at migsakab ding tau.

Mateo 22:37

Pekibat nang Jesus, Luguran me ing Ginung kekang Dios king mabilug mung pusu, king mabilug mung kaladua, at king mabilug mung kaisipan.