Levitico 26:9 - Ing Mayap a Balita Biblia

⁹ Bendisyunan da kayu at dinan dakal a anak. Tuparan ke itang dake ku king kasunduan a pikayari tamu.

Levitico 26:9 Iomraidhean Croise

Genesis 1:28

Bendisyunan na la ning Dios at ngana, Magpakarakal kayu at katmuan ye ing yatu at sakupan ye. Ikayung mamahala karing asan king dagat, karing ayup, at karing heganaganang bage melalang a gagapang king yatu.

Genesis 17:20

Ibie ku ing aduan mu para kang Ismael; bendisyunan ke, dinan keng pibandian, at parakalan ku la ding lahi na. Maging tatang de ring labing aduang prinsipi, at maging tatang ne ning metung a bansang maragul.

Genesis 22:17

pangaku kung bendisyunan da kang e makanyan-kanyan at parakalan ku la ding lahi mu. Maging kasing dakal da la ring batuin na ning banua at balas king pampang ning dagat. Sakupan da la ring siudad da ring karelang kalaban.

Genesis 26:4

Parakalan ku la ding lahi mu; maging kasing dakal da la ding batuin king banua at ibie ku ngan karela ing gabun a iti. Aduan da ring bansa ing bendisyunan ku la nung makananu ku lang binendisyunan ding lahi mu.

Genesis 28:14

Maging kasing dakal da la ning alikabuk ning yatu ding lahi mu at kalatanan de ing albugan, ing aslagan, ing norti, at ing mauli. Atagpuan da ring sablang bansa keti king yatu ing bendisyun keka at karing lahi mu.

Genesis 28:3

Bendisyunan na ka sana ning Dios a Mayupayang tutu king pamakiasawa mu, at parakalan a anak ban maging pipumpunan da ka ring dakal a tau.

Genesis 48:4

Ngana kanaku: Parakalan ku la ding anak mu at gawan da kang pipumpunan da ring dakal a lahi. Ibie ke ing gabun a iti karing maging lahi mu bilang pibandian dang alang angga.

Genesis 6:18

Pero gawa kung metung a kasunduan keka. Ika, ing asawa mu, ding anak mung lalaki, at ding asawa ra; sake kayu king barku.

1 Ari 3:8

Atyu ku ngeni libutad da ring taung kekayung pinili; milalu la king karakal at e mu la abilang-bilang.

2 Ari 13:23

Oneng meging malunusan ya at maganaka karela ing Ginu uli na ning kasunduan na kang Abraham, Isaac, at Jacob. E na peintulut ing magisan lang mate, inya sinaupan na la; e na la kelinguan angga ngeni.

Nehemias 2:20

Ngakung mekibat, Papagtagumpen na kami ning Dios ning Banua. Talasuyu na kami at italakad mi yang pasibayu ing Templo. Oneng, ikayu, ala kayung dake o katuliran o nanuman keting siudad a iti.

Nehemias 9:23

Peparakal mu la ding anak da, kasing dakal da la ring batuin ning banua, at dela mu la king gabun a pengaku mung ibie karing makatua da ban maging bandi ra.

Ding Dalit 107:38

Binendisyunan na la at peparakalan a bilang; merakal pati ding sese dang animal.

Ding Dalit 89:3

Nganang sinabi, Ating kasunduan a gewa ku king kakung pinili; pengaku ku kang David a talasuyu ku

Exodo 1:7

Oneng menganak la ding Israelita a lahi da at merakal na lang merakal; mabilis lang merakal at tutung masikan angga king milaganapan ya karela ing Ehipto.

Exodo 2:25

Ikit ning Dios ing kabilian da ring Israelita, at melunus ya karela.

Exodo 6:4

Ginawa ku namang kasunduan karela at pengaku ku karela king ibie ke ing Canaan, ing gabun nung nu la mekipamalen bilang dayuan.

Isaias 55:3

Makiramdam kayu ngeni taung kakung pinili, at lumapit kayu kaku; lumapit kayu kaku at mika bie kayu! Gawa kung kasunduan kekayu a manatili king kapilan man, at ibie ku la kekayu ding kanuanan a pengaku ku kang David.

Jeremias 23:3

Tipunan ku la ding mitagan karing taung pinili ku manibat karing bansa nung nu ku la kinalat, at ibalik ku lang pasibayu king bansang karelang tibuan. Mikayanak lang dakal at dakal ing bilang da.

Jeremias 23:4

Tuldu kung pamuntuk a manibala karela. E na la pasibayung mitakutan ding taung kanakung pinili o galgal man at e ku na la pasibayung parusan. Aku, ing Ginu, ing migsalita.

Jeremias 33:3

Maus ka kanaku at pakibatan da ka; sabian ku la keka ding malagu at makapagmulalang bage a e mu balu.

Ezekiel 16:62

Ibayu ke ing kasunduan ku keka at akikala mu kanita king aku ing Ginu.

Ezekiel 36:9

Atyu ku siping mu at siguraduan kung masarul pasibayu ing marangle mu at mitamnanan bini.

Levitico 26:15

Nung payalan yu lang ulaga ding utus ku at tuntunan at labagan ing kasunduan kung gewa kekayu,

Lucas 1:72

Pengaku na naman ing pakit yang lunus karing makatua tamu, at ganakan ne ing banal nang kasunduan.

Deuteronomio 28:11

Pabandian na kayu king sablang daraptan yu, parakalan na la ding anak yu at ding baka yu, at dinan na kayung maragul a pupul king gabun a pengaku nang ibie kekayu king kapamilatan da ring makatua yu.

Deuteronomio 28:4

Bendisyunan na kayu karing anak yu at dinan maragul a pupul at dakal a baka ampon tupa.

Deuteronomio 7:13

Luguran na kayu, bendisyunan ampon parakalan king bilang at dakal kayu anak. Bendisyunan na la ding marangle yu ban dakal ing pupul yung trigu, ubas a gagawan alak ampon larung olibo. Parakalan na la ding sese yung baka at tupa. Daptan na ngan iti potang miras na kayu king gabun a pengaku nang ibie kekayu king kapamilatan da ring makatua yu.

Hebreo 8:9

E ne maging kalupa na nitang kasunduan a tinatag ku karing karelang makatua, kanitang tinaid ku lang leko ibat Ehipto. E la menatiling tapat king kasunduan a tinatag kung kayabe ra, inya pepaburen ku la, ngana ning Ginu.